2Pɑɑ nɑ mpʋ pəcɔɣɔ pə kɑɑsɑɑ sɩ pə́ co-m yɑɑ pə́ tuu-m.
3Mpi tɔ, mɑ nɑɑkɩ ɑsɑɣɑɑ hɛɛsəɣɩ, ɩlɛnɑ mɑ́ lɑkɩ-wɛɣɛ ɩsɛsɛɛmlɛ.
4Mpi tɔ, pɑɑ nɑɑkɩ wɑhɑlɑ nɔɣɔlʋ hɑlənɑ pɑ səm, nɑ pɑ́ nɩɩkɩ pɑ nɑntʋ tɑɑ ɑlɑɑfəyɑ.
5Pɑɑ nɑɑkɩ wɑhɑlɑnɑɑ mpɑ lɛlɑɑ nɑɑkɩ tɔ, pəyele pɩɩ mɑkənɑ-wɛ ɩsɩɩ yəlɑɑ lɛlɑɑ.
6Kɑlɑmpɑɑnɩ wɛnnɑ ɩsɩɩ pɑ lɩɩlʋɣʋ, nɑ mʋsʋŋ nɑ́ɑ́ wɛɛ ɩsɩɩ pɑ kɑcɔkɑ wontuɣu.
7Pɑ cɑɣɑnɑ pɑ tɩ nɑ pɑ́ toosiɣi yəlɑɑ kɛ ɩsɛ, nɑ pɑ ləmɑɣɑsɛɛ nɑɑkɩ kpɑkpɑɑ.
8Ɩsɑɣɑtʋ tɔm kɛ pɑ yɔɣɔtəɣɩ, nɑ pɑ́ woŋiɣi lɛlɑɑ, nɑ pɑ́ hɔŋ pɑ tɩ nɑ pɑ́ kɛɛkɩ tɑmpɑnɑ.
9Pɑ kooki kɛ́ nɑ pə tɑkɩ ɩsɔtɔnʋɣʋ, nɑ pɑ́ wɑkələɣɩ tɛtʋ nɑ pɑ nsəmlɛ.
10Pə tɔɔ kɛ́ pɑ tənɑ pɑ kɛɛsənɑ pɑ tɔɔ, nɑ pɑ́ nyɔɔkɩ pɑ kʋyɔɣɔtʋtʋ kɛ lʋm təlɛ.
Yontu 73
Yontu 73:2-10