Yontu 62:3-10

³Ɩnəɣəlɛ mɑ kʋkpɑmʋɣʋ nɑ mɑ́ tʋɣʋ-ɩ kpʋlʋɣʋ mɑ nyʋɣʋ yɑpʋ ntɛ́, nɑ mɑ koluŋɑ ɩcɑtɛ. Pʋlʋpʋ ɩɩ cɛŋləɣɩ-m ɩ kiŋ.

⁴Pəlee kɛ́ mə tənɑ ɩ́ kɑ́ yele kpɛntʋɣʋ nɑ ɩ́ huliɣi yʋlʋ sɩ ɩ́ kʋɣʋ-ɩ? Ɩsɩɩ koluŋɑ wɛɛlʋɣʋ tɔ, yɑɑ kɑlɑɑ wei ɩ seliɣi tɔ?

⁵Ɩ́ kpɛntɑ nɔɣɔ sɩ ɩ́ tusɩ-ɩ ɩ təcɑɣɑlɛ sɔsɔɔlɛ tɑɑ. Pɔpɔtʋ wɛ-mɛɣɛ teu kɛ́, mə nɔɔsɩ kɛ ɩ́ kooliɣinɑ kʋpɑntʋ nɑ mə lotu tɑɑ nɑ mpusi.

⁶Ɩsɔ kiŋ tike kɛ mɑɑ pɛɛkɩ hɛɛsʋɣʋ. Mpi tɔ, ɩnɩ ɩ yekinɑ nɑ mɑ́ tɛɛləɣɩ.

⁷Ɩnəɣəlɛ mɑ kʋkpɑmʋɣʋ nɑ mɑ́ tʋɣɩ-ɩ kpʋlʋɣʋ. Mɑ nyʋɣʋ yɑpʋ ntɛ́, nɑ mɑ koluŋɑ ɩcɑtɛ. Pʋlʋpʋ ɩɩ cɛŋləɣɩ-m ɩ kiŋ.

⁸Ɩsɔ yɑkənɑ mɑ nyʋɣʋ nɑ ɩ́ tʋɣʋ-m teeli. Ɩnɩ ɩ kentiɣinɑ mɑ tɔɔ nɑ toŋ, Ɩsɔ kɛlɛ mɑ kpʋlʋɣʋ tətʋlɛ.

⁹Hɑɩ, yəlɑɑ mɛ, ɩ́ pɛtɩ-ɩ mə təɣɩ pɑɑ wɑɑtʋ wei, nɑ ɩ́ tʋlɩ-ɩ mə lotu, Ɩsɔ kɛlɛ tɑ́ kpʋlʋɣʋ tətʋlɛ.

¹⁰Tɑmpɑnɑ tɔɔ, yəlɑɑ tɔm cɛkənɑʋ wɛ kɑtɛ kɛ́, pɑ wɛ kɛ́ ɩsɩɩ ɩlɛɛməŋ. Pɑ tənɑ pɑ fɛɩ yuŋ kɛ sɑnəyɑ tɔɔ.