Yontu 28:1-8

¹Tɑfiiti yontu. Tɑcɑɑ nyɑɣɑ mɑ mɑkɩ kɑpusi nɑ mɑ́ yɑɑkɩ, mɑ kentulu, tɑɑ təkɩ nyɑ́ ŋkpɑŋŋ. Ye n tɑ cɔ-m, mɑ wɛ kɛ́ ɩsɩɩ wei pɑ tisiɣi pəlɑɑʋ tɑɑ tɔ.

²Wɑɑtʋ wei mɑ mɑkɩ kɑpusi nɑ mɑ́ yɑɑkɩ-ŋ nɑ mɑ́ hʋləɣɩ niŋ nɑ nyɑ́ təcɑɣɑlɛ nɑŋŋ nyəntɛ tɔɔ tɔ, nɩɩ mɑ wiinɑʋ.

³Tɑɑ kɑɑ mɑ́ nɑ kɑwɑlɑɣɑ nyə́mɑ nɑ ɩsɑɣɑlɑtɑɑ kɛ kpɑ́tʋɣʋ kʋlʋmʋɣʋ. Pɑ kʋyɔɣɔtʋtʋ wɛ leleŋ kɛ́, nɑ pɑ tɑɑ nɑ sɛɛsɩ.

⁴Fɛlɩ-wɛɣɛ pɑ ɩsɑɣɑtʋ fɔɔtɔ nɑ ń kɛɛsənɑ pɑ ɑcilɑɣɑtʋ təmɑ. Lɛɛtɩ-wɛɣɛ pɑ kʋlɑpəlɛ.

⁵Pɑɑ lɑkɩ lɑɑkɑlɩ nɑ nyɑ́ kʋlɑpʋtʋ nɑ nyɑ́ təmɑ. Wɑkəlɩ-wɛ tənɑŋnɑŋ, pɑ́ tɑɑ tɑsɑ kʋlʋɣʋ.

⁶Tɑcɑɑ, mɑ sɛɛ-ŋ ɩsənɑ n nɩɩ mɑ wulɑ tɔ.

⁷Nyɑɣɑlɛ mɑ toŋ nɑ mɑ kʋkentuɣu. Nyɑɣɑ mɑ tʋɣɩ nɑɑni nɑ ń wɑɑsəɣɩ-m, nɑ mɑ wɛ lɑŋhʋlʋmlɛ tɑɑ nɑ mɑ́ sɑŋɩ-ŋ nɑ yontu.

⁸Nyɑ́ kentiɣinɑ nyɑ́ yəlɑɑ nɑ toŋ, nɑ ń wɑɑsəɣɩ nyɑ́ kʋləsʋ nɑ ɩɩ nyɑŋnɑ pʋlʋ.