Yauna 25

1

2

3

11

12

13

14

15

16

17

18

19

20

21

22

23

24

25

28

31

32

34

40

⁸Yave Mosese i nusifufuwiya i bwaduwa, “Namoḡa yaku Vada Tafutafuna sina yoniya ebe kasi kawasasai ana fakwa.

⁹Vada Tafutafuna kwana yoniya na kana nogonogo matatafuna yaku nuwanuwai ana visawaveniwa maise.”

¹⁰Yota Yave yana sifufu i nusaviya i bwaduwa, “Namoḡa koni sina fufuniya kai kana wava akasiya nenei. Kana fwafwa kana nubwayou kana niva o 110 senitimita, kana nafanafa kana niva o 66 senitimita eketa yana vivivane kana niva o 66 senitimita.

¹¹Gonudi-keyakeyana nenei sinena be kwauna kuna vitauniya eketa gonudi nenei kuna okanikanibubuna-fanakwaniuwiya.

¹²Nowanowa nufunina vigonudisi kuna fufunisiya keta koni kaenei nuwesi nowanowa fafaninei yota nuwesi fafaninei kuna vikanafwatafwataoḡonisiya.

¹³Akasiya kai nenei kewa kuna tasisiya keta gonudi nenei kuna vitaunisiya.

¹⁴Nowanowa koni kafakainei kewa kuna ketokwanisiya ebe nenesiyai kwana uniiya.

¹⁵Kewa o nowanowa sinesiyai sina fakwa eatu muka kwana nusoniyagina.

¹⁶Tovanama gabana nuwesi beyabeyasi nenesiyai yaku visime 10 viviginiwisi ana veniwa, koninama nenei kuna totoisiya.

¹⁷Koni kana gudu gonudi-keyakeyana nenei kuna fufuniya kana fwafwa kana nubwayou kana niva o 110 senitimita keta kana nafanafa kana niva 66 senitimita.

¹⁸Eketa kifukifufuna nuwesi na fefesi kasi wava senabimu, gonudi nenei kuna tutuvikuvikukunisiya eketa kuna givifotisiya kana gudu nenei ebe kuna nutamokisiya. Gudu bwatanei bwatanei senabimu nuwesi kuna tenisiya.

²⁰Fefesi sina katataḡa kunausi eketa gudu sina nukovataniya. Gudu bwatasiyai sina vikasaḡasaḡa ebe sina kitasobuwa gudu kuweyaina.

²¹Eketa koni etanei gudunama kuna teniya eatu sinenei o gabanisima beyabeyasi nenesiyai yaku visime 10 viviginiwisi ana veniwa, kuna totoisiya.

²²Dedeni kana koni kana gudu etanei eatu senabimu kasi sinefouwai, nokomai ana nisaiwa eketa yaku visime matatafuna Isineni fasisiyai ana veniwa.”