1عَلَتَلَ نَشَ عَ مَسٍن مُنسَ بّ،
2«عَ قَلَ عِسِرَيِلَكَيٍ بّ، قٌنِسٍرٍلَيٍ شَ يِ سٍيٍ مْولِ بَ هَدِيَ رَ؛
3شّيمَ، فبٍتِ، وُرٍ فبٍيلِ،
4فّسّ فّرّ دَاشِ، فّسّ بُلُ دَاشِ، فّسّ فبٍيلِ، سُوَ دُفِ، دُفِ نَشَن سْشْشِ سِ شَبٍ رَ،
5يّشّي كٌنتٌنيِ كِرِ نَشٍيٍ سٌشِ عَ فبٍيلِ رَ، ثٍرٍ مُي كِرِيٍ، كَسِيَ وُرِ،
6تُرٍ نَشَن سَمَ لَنثُي كُي، لَبُندّ نَشَن سَمَ تُرٍ سّنِيّنشِ نُن سُرَيِ شُن مَ،
7عَ نُن فّمّ تٌقَنيِ نَشٍيٍ قِندِ سّرّشّدُبّ شَ دٌنمَ كُيٍ نُن دٌنمَ كَنكٍ رَشُنمَ سٍ رَ.
8عِسِرَيِلَكَيٍ شَ هْرْ مْلِنفِرَ تِ ﭑ بّ، عَلَكٌ ﭑ شَ سَبَتِ عٍ يَ مَ.
9وٌ شَ نَ لِنفِرَ نُن عَ شَ يِرَبَسٍ بِرِن يَءِلَن عَلْ ﭑ نَ مَسٍنمَ عِ بّ كِ نَشّ.»
10«عٍ شَ سَاتّ كَنكِرَ يَءِلَن كَسِيَ وُرِ رَ. نَ كَنكِرَ شَ كُيَ نْنفْن قِرِن نُن عَ تَفِ، عَ شَ عِفبٌ نْنفْن كٍرٍن نُن عَ تَفِ، عَ شَ عِتٍ نْنفْن كٍرٍن نُن عَ تَفِ.
11عِ شَ عَ كُي نُن عَ قَرِ مَسٌ شّيمَ رَ. عَ دّ كِرِ قَن شَ يَءِلَن شّيمَ رَ.
12عِ شَ عَ سُشُدٍ دِفِلِنشِ نَانِ رَقَلَ شّيمَ رَ عَ تُنشُن نَانِيٍ مَ، قِرِن نَ سّيتِ، قِرِن نَ بٌورٍ سّيتِ مَ.»
13«عِ شَ كَسِيَ وُرِ كُيٍ قِرِن مَسٌلِ، عٍ مَسٌ شّيمَ رَ.
14عِ شَ عٍ رَ سٌ كَنكِرَ سُشُدٍ دِفِلِنشِيٍ كُي، نَ كَنكِرَ شَنِنمَ عٍ تَن نَن مَ.
15عٍ نَشَ رَ مِنِ نَ عَبَدَن.»
16«ﭑ نَ سَاتّ تْنشُمَ سٌ عِ يِ رَ، عِ شَ عَ سَ نَ كَنكِرَ كُي.
17عِ شَ عَ دّرَكٌتٍ يَءِلَن شّيمَ قَنيِ رَ، نَشَن قِندِ مَ شُنسَرٍ يِرٍ رَ. عَ شَ كُيَ نْنفْن قِرِن نُن عَ تَفِ، عَ شَ عِفبٌ نْنفْن كٍرٍن نُن عَ تَفِ.
18مَلٍكّ سَوُرّ قِرِن شَ يَءِلَن شّيمَ شَبُشِ رَ كَنكِرَ دّرَكٌتٍ قَرِ.
19مَلٍكّيٍ سَوُرّ نُن كَنكِرَ دّرَكٌتٍ شَ قِندِ كٍرٍن نَ.
20نَ مَلٍكّ سَوُرّ قِرِنيِيٍ شَ تِ عٍ بٌورٍ يَ عِ، عٍ فَبُتٍنيِيٍ عِتَلَشِ، عٍ شُن سِنشِ شُنسَرٍ يِرٍ.»
21«عِ شَ نَ كَنكِرَ دّرَكٌتٍ سَ عَ مَ، نَشَن قِندِشِ شُنسَرٍ يِرٍ رَ. ﭑ نَ سَاتّ تْنشُمَ سٌ عِ يِ رَ، عِ شَ عَ سَ نَ كَنكِرَ كُي.
22ﭑ نَن ﭑ يّتّ مَسٍنمَ عِ بّ مّننِ نّ، نَ سَاتّ كَنكِرَ دّرَكٌتٍ قَرِ، مَلٍكّ سَوُرّ قِرِنيِيٍ تَفِ. ﭑ يَامَرِ بِرِن سٌمَ عِ يِ رَ مّننِ نّ كَتَرَبِ عِسِرَيِلَكَيٍ مَ.»
23«عِ شَ تٍيبِلِ ندٍ يَءِلَن كَسِيَ وُرِ رَ، نَشَن كُيَ نْنفْن قِرِن، عَ عِفبٌ نْنفْن كٍرٍن، عَ عِتٍ نْنفْن كٍرٍن نُن عَ تَفِ.
24عِ شَ شّيمَ قَنيِ مَسٌ عَ مَ، عَ نُن عَ دّ كِرِ مَ.
25شٍبٍنيِ ندٍ شَ سَ نَ دّ كِرِ بُن مَ نَشَن عِفبٌ سُشُي كٍرٍن عَ نُن عَ تَفِ. شّيمَ شَ سَ نَ قَن دّ كِرِ مَ.
26عِ شَ عَ سُشُدٍ دِفِلِنشِ نَانِ رَقَلَ شّيمَ رَ عَ تُنشُن نَانِيٍ مَ، نَشٍيٍ عِلَنمَ عَ سَنيِيٍ رَ
27نَ شٍبٍنيِ بُن مَ. وُرِ كُيّيٍ شَ سٌ نٍيٍ كُي تٍيبِلِ شَنِنقٍ رَ.
28نَ وُرِ كُيٍيٍ شَ مَسٌلِ كَسِيَ وُرِ رَ، شّيمَ شَ مَسٌ عٍ مَ. نٍيٍ نَن قِندِ مَ تٍيبِلِ تٌنفٌسٍ رَ.
29ثِلٍتِيٍ، تْنبِلِيٍ، ثْوتِيٍ، نُن ثَانِ نَشٍيٍ سَمَ نَ تٍيبِلِ مَ، نَشٍيٍ رَوَلِمَ سّرّشّ يٍيرَ مَ دَاشِ شَ قٍ رَ، نٍيٍ بِرِن شَ يَءِلَن شّيمَ قَنيِ نَن نَ.
30تَامِ قَن شَ سَ نَ تٍيبِلِ مَ تّمُي بِرِن، نَشَن قِندِشِ سّرّشّ رَ ﭑ بّ.»
31«عِ شَ لَنثُي دْشْسٍ ندٍ يَءِلَن شّيمَ قَنيِ شَبُشِ رَ. عَ سَنيِ، عَ بِلِ، عَ سَلٌنيِيٍ، نُن لَنثُي دْشْدٍ نَشٍيٍ مَنِيَ سَنسِ قُفٍيٍ رَ، نَ بِرِن شَ قِندِ كٍرٍن نَ.
32سَلٌن سٍننِ شَ مِنِ لَنثُي دْشْسٍ بِلِ مَ، سَشَن سّيتِ كٍرٍن، سَشَن بٌورٍ سّيتِ.
33تْنبِلِ سَشَن شَ لُ نَ سَلٌن سٍننِ بِرِن شُن مَ. عٍ شَ مَنِيَ سَنسِ بٌفِ رَ نَشَن دْشْشِ عَ بُرّشّيٍ نُن عَ قُفٍيٍ تَفِ.
34تْنبِلِ نَانِ فبّتّ شَ لُ لَنثُي بِلِ مَ. عٍ قَن شَ مَنِيَ سَنسِ بٌفِ رَ نَشَن دْشْشِ عَ بُرّشّيٍ نُن عَ قُفٍيٍ تَفِ.
35نَ سَلٌن قِرِن قِرِن دْشْ سَشَنيِيٍ بُن مَ نَشٍيٍ كٍلِشِ عَ بِلِ مَ، عَ سَمَ نّ مّننِ قَن مَ.
36نَ تْنبِلِيٍ نُن لَنثُي سَلٌنيِيٍ شَ قِندِ كٍرٍن نَ، عٍ شَ يَءِلَن شّيمَ قَنيِ شَبُشِ رَ.»
37«عِ شَ لَنثُي سٌلٌقٍرٍ يَءِلَن، عِ شَ عٍ دْشْ عٍ دْشْدٍيٍ مَ عَلَكٌ عٍ دّشّ شَ يَرٍ عِيَلَن.
38عِ شَ وُكِ شَبَسٍ نُن شُبٍ سَسٍ يَءِلَن شّيمَ قَنيِ رَ.
39شّيمَ نَشَن نَوَلِمَ لَنثُي دْشْسٍ نُن لَنثُي يِرَبَسٍ يَءِلَنقٍ رَ، نَ شَ قِندِ شّيمَ كِلٌ تٌنفٌ سَشَن نُن نَانِ نَن نَ.
40عِ شَ نَ بِرِن نَبَ عَلْ ﭑ عَ مَسٍنشِ عِ بّ كِ نَشّ فٍيَ قَرِ.»
