Ekisodas 25

1

2

3

11

12

13

14

15

16

17

18

19

20

21

22

23

24

25

28

31

32

34

40

⁸Iawe God Moses diene wanase, “E apana diamowo ape kakaiwa ne baina wadapuo ita ne wimpe mo waimoia bedeuwo wainepina.

⁹E ape kakaiwa ita bedewe nitu uduudu aleupu mape euwaepo ewaa ruawaida dewasaa.”

¹⁰“Mo ia akeisia mampe bokis dewasapu. Ita daumawa 110 sentimita wadepi ita debamalepia sentimitawa 66 ita odepi alepia 66 sentimita wadepi.

¹¹Tane etepa uduudu bedewe ita onape goldida os mampe rupusana ita moawa iawa gold os mampe wadadosana.

¹²Ita rin uduudu 4 gold mampe dewamone bokis wawa deadea osouwo teamona.

¹³Tane kewa ia akeisia mampe dewasana ita gold os mampe rupusana.

¹⁴Ita e kewa sa rin bedewe neanamowo bokis waiwa dauwo wimopu awanempaa baiwa.

¹⁵E kewa sa rin bedewe aimoe ea, mai teinaubaitaa, dia.

¹⁶Ne sauana badowa girumalala seu tabataba nata osouwo girumalala wineia eneepo bokis ema bedewe aimoa.

¹⁷Ita e bokis enabodawa ebowa; kadi insempadabuasampa goldida os mampe dewasaa, daumalepia sentimitawa 110 wadepi ita debamalepia sentimitawa 66 wadepi.

¹⁸Tane e nitu nata ensel rua mabupu dola ebowa kerubim gold mampe nata dewamoa. E ama mampe gold epamowo kerubim inainambu rua segantopu

¹⁹ita kerubim dea wade baida da osowe itua ita da baida dauwo ituwo ita enabodawa do deantopu.

²⁰Mo nata mabupu lalantopue bokis enabodawa enapubodapu. Ita enabodawa sa onapeinta danau deasapue itupue ewompa.

²¹Tane e saua badowa seu nata tabataba osowe girumalala wadee bokis bedewe ana, ita enabodawa bokisiwa iwa osowe itua.

²²Ita kerubim nata mabupu sawanauwo ita kadi insadabuasampa enabodawa onape sawano saua badowa bokisiwa winediawo ne donepina, ita sape ne anaanana uduudu eneepina Israel apanawa baibu.”