Totagil 36

1

2

3

4

5

6

7

8

9

10

11

12

13

14

15

16

17

18

19

20

21

24

25

28

30

31

32

33

34

35

36

37

39

40

¹“He Yehoba siba ge aatena iyaka i pek Besaleli ge Oholiyab avaliyau totuwalali enuna al elal limi bwabwalena ana taltal gegewena hi atena. Inoke tuwalali o nihi ginol ni ola Yehoba wana baaba.”

²Yaka Besaleli ge Oholiyab avaliyau totuwalali bolo Yehoba aatena i pek elal ge hi yaliyaya tuwalali kaiwena, Mosese i yogaagil hi nok elana.

³Inoke mulolu gegewena bolo Isileli hi pwatanim limi bwabwalena ana taltal kaiwena, Mosese i bugul pek elal. Yaa Isileli heliya iyoho ya mweluluga maisena ge maisena hi nemnem wali mulolu hi teliteli.

⁴Yaka bolo limi bwabwalena hi taltal tuwalali hi paveyaho ga,

⁵ge hi na hi baek Mosese elana hi ba, “Mulolu bolo gamagal hi pwatanim i bwata lake te tuwalali toto Yehoba i ba elala ta ginol.”

⁶Inoke Mosese i ba, “Bolau ge yowau bahi bugul etega al nihi lolovivina-an ge nihi mumulolu-an limi bwabwalena kaiwena.” Yaka wana baaba hi palelu abaholaviya. Inoke gamagal nige al bugul etega hi pwapwatanim,

⁷kaiwena toto iyaka hi pwatanim, tuwalali gegewena tage nihi ginol ana luvi i bwata lake.