Totagil 35

1

2

3

4

5

6

7

8

9

10

11

12

13

14

15

16

17

18

19

20

21

24

25

28

30

31

32

33

34

35

36

37

39

40

¹Mosese boda Isileli gegewel i pamigogoil ge i baek elal i ba, “Logugui bolo Yehoba i ba nuku toulil i ola hiwe.

²Wami tuwalali nuku ginol lan sikis gamwanaa, yaa lan seben-ina elana lan veyaho i bwabwalena nau Yehoba elau. Lan o henala ebo tuwalali etega ni ginol nihi lopaaliga.

³Bahi ginaha nuku toton wami abaholaviya lan Sabwataa.

⁴Mosese i baek boda Isileli gegewel elal i ba, “Yehoba wana baaba i ola hiwe.

⁵Henala atena i talam, inoke bugul bolo i gan elana ni ahe ni pwatanim ge ni muloluan Yehoba elana.”

²⁰Isileli gegewel Mosese hi eguluwan hi na wali epanapana elal.

²¹Inoke bolo ateliya i talam ge hi yaliyaya, wali mulolu hi pwatanim Yehoba elana Petupatupa Limena ana taltal kaiwena, i ola al ana etuwalali gegewena ge topowon ali kaliko kaiwena.

²²Bolo ateliya i talam, bolau ge yowau, tuwan ana isela gold ona, ololana komwakomwa, niman aana ge bobot, hi pwatanim ge hi muloluan Yehoba elana.

²³Bolo hihiu ali kala bulu, pepol ge keketina o ebo hihiu kaliko waiwaisana kaiwena hi gan elal, bolo goti pupunona hi gan elal, bolo sipi kunisina hi kale i ket hi gan elal, ge bolo bwasumu kunisiliya waiwaisana hi gan elal, he hi ahel inoke hi pwatanim.

²⁴Bolo hi yaliyaya silba ge kopa nihi pwatanim, hi ginol ola ge hi muloluan Yehoba elana. Ge bolo ebwakil alana akesiya i gan elal, hi pwatanim totaltal nihi patuwalali.

²⁵Yowau bolo losalosa ana toatena sipi pupunona hi losa i tabwa hihiu ali kala bulu, pepol ge keketina, o ebo palakes hi losa i tabwa hihiu kaliko waiwaisana kaiwena, yaka hi pwatanim.

²⁶Yowau bolo hi yaliyaya ge goti pupunona ana losalosa hi atena, hi losa i tabwa hihiu.

²⁷Tohouwa pat waiwaisal ona, kaneliyan ge enuna al, hi pwatanim inoke totuwalali nihi teliya topowon bwabwatana ana kaliko ipod ana egimwan elal ge nihi am hikan babagal ana kama elana.

²⁸Bugul bwaleliya waiwaisal ona ge olibe enonona hi pwatanim, inoke totuwalali nihi patuwalali odam ali wewel, i ola al enonu toto epaepaenonu ge bugul bwalena waiwaisana toto hi toton nihi ginolil.

²⁹Isileli bolau ge yowau bolo ateliya i talam, alona wali yaliyaya wali mulolu hi pwatanim Yehoba elana tuwalali kaiwena, toto Yehoba i baunanek Mosese elana nihi ginol.

³⁰Yaka Mosese i baek Isileli elal i ba, “Yehoba Besaleli, Uli natuna, Huli tubuna, ana un Yuda, iyaka i hile,

³¹inoke Yayaluwana eliyana i pakalaopopwi siba ge aatena i pek elana tuwalali tomaha tomaha kaiweliya.

³²Lokilkil ali un puna i atenal bubun ni ginola gold, silba ge kopa elal,

³³pat waiwaisal ali vagavagal i atena, ge ebwakil ana taltal ge ana kilkil i atena. He bugul tomaha tomaha ali tuwalali i atena.

³⁴Alona ge Oholiyab, Ahisamak natuna, ana un Dani, Yehoba siba i pek elal gamagalau enuna al tuwalali nihi paatenal.

³⁵Siba i pek elal tuwalali gegewena hi atena. Lokilkil ana un puna hi atena, ge palupalul hi atena yaka matan hi ginol hihiu ali kala bulu, pepol ge keketina ge hihiu kaliko waiwaisana kaiwena elal. He tuwalali tomaha ge tomaha hi atena bubun.