Luke 7:38-50

³⁸Nda ye kluwei na Yesu nda tsi yi nda jum nza ma ni ma shishi ma nda sezah ma ni nfutu ma a tre kauna ma nimu zah gban zah mu ni turare.

³⁹Bafarisen yo Yesu bi ninkon ma, ato naki nda tre ni suron ma nda ndji yi ana anabi njanji yi ani toh ndi wayi meme iwa, wa si tawu ndji wu lahtre.

⁴⁰Yesu kpa nyime nda hla ni wu Siman, mi son hla niwu ikperi, wa tre, hla Malam.

⁴¹Yesu hla ndji ri inu hla niwu ndji ha bari lah kudi niwu, ndji rima sule deri, irima ani hu rima sule hamsi.

⁴²Bana he kudi baya hana igu wruhle bawu, hari mba, iri me nimi mba ani fi son igu?

⁴³Siman hla mi ya wa kudi ma bran, Yesu hla niwu, wu hla ndindi.

⁴⁴Yesu kma hi ni wa'a nda hla ni Siman wu toh wayi, mi ye ni koh me, wu na ne mma wu ngla zah muna, wawu ne, ni mashishi ma a ngla zah mu niwu, nda se zah mu ni nfutu ma.

⁴⁵Iwu u na tsro son nimu na i wawu tie tu wa mi ye ni wa, ana bri mena.

⁴⁶Iwu wu na gban nye ni tumu na, a gban izah mu ni nye ni nfutu ma.

⁴⁷A he na kiyi wa i lutre ma a bran anu kpa awa bran, nda tsro son wu brama. Wa ba wruhle ni vi fime a suron vi fime kame.

⁴⁸Baya wayi ala niwu, ba wru la tre me hle niwu.

⁴⁹Wa ba son niki, ba son tre kpa-mba, wayi anha wa ani wru lahtre hle?”

⁵⁰Yesu hla niwu, isuron ndindima anu ceto me, hi ni si kpa.