لُكِ 7:38-50

³⁸عَ تٌ سٌ نَا، عَ نَشَ تِ عِسَ شَنبِ رَ عَ سَنيِ يِرٍ. عَ تٌ وَ قْلْ، عَ نَشَ عِسَ سَنيِيٍ بُندَ عَ يَيٍ رَ. عَ نَشَ عٍ مَقُرُكُ عَ شُنسّشّ رَ، عَ عٍ سُنبُ، عَ قَ لَبُندّ مَسٌ عٍ مَ.

³⁹قَرِ سّنِ نَشَن عِسَ شِلِ عَ دّفٍدٍ عَ شْنيِ، عَ تٌ نَ قٍ تٌ، عَ نَشَ عَ قَلَ عَ يّتّ مَ، «شَ يِ شّمّ قِندِشِ نَمِحْنمّ نَن نَ نُ، عَ يِ فِنّ شَ قٍ كٌلٌنمَ نّ نُ، عَ عَ كٌلٌنمَ نّ نُ عَ يُنُبِتْي نَن دِنقٍ عَ رَ يِ كِ.»

⁴⁰عِسَ نَشَ عَ قَلَ عَ بّ، «سِمْن، ﭑ شَ قٍ ندٍ مَسٍن عِ بّ.» نَ نَشَ عَ يَابِ، «كَرَ مْشْ، عَ مَسٍن ﭑ بّ.»

⁴¹عِسَ نَشَ يِ تَالِ سَ عَ بّ، «كْبِرِ كَنيِ ندٍ نُ بَرَ مِشِ قِرِن دٌنِ. عَ سِنفٍ شَ دٌنِ قِندِشِ فبٍتِ كْبِرِ كٌلٍ كّمّ سُولِ نَن نَ، عَ قِرِن ندٍ، فبٍتِ كْبِرِ كٌلٍ تٌنفٌ سُولِ.

⁴²قّيرّ تٌ مُ نُ نَ عٍ سٍسٍ يِ رَ، كْبِرِ كَنيِ نَشَ دِحّ عٍ قِرِن بِرِن شَ دٌنِ مَ. نَ مِشِ قِرِنيِ تَفِ، كْبِرِ كَنيِ رَقَنمَ ندٍ مَ دَنفِ بٌورٍ رَ؟»

⁴³سِمْن نَشَ عَ يَابِ، «ﭑ لَشِ عَ رَ، نَشَن شَ دٌنِ نُ فبٌ بٌورٍ بّ.» عِسَ نَشَ عَ قَلَ عَ بّ، «عِ نْندِ.»

⁴⁴نَ تّمُي عَ نَشَ عَ يَ رَقِندِ فِنّ مَ، عَ قَ عَ مَسٍن سِمْن بّ، «عِ يِ فِنّ تٌ؟ ﭑ سٌ نّ عِ شْنيِ، عِ مُ يٍ قِ ﭑ مَ ﭑ شَ ﭑ سَنيِيٍ مَشَ، كْنْ عَ تَن ﭑ سَنيِيٍ مَشَشِ عَ يَيٍ نَن نَ، عَ عٍ مَقُرُكُ عَ شُنسّشّ رَ.

⁴⁵عِ تَن مُ ﭑ سُنبُ، كْنْ عَ تَن، كَبِ ﭑ سٌشِ عِ شْنيِ، عَ مُ بَشِ ﭑ سَنيِيٍ مَسُنبُقٍ.

⁴⁶عِ تَن مُ تُرٍ مَسٌ ﭑ شُنيِ مَ، كْنْ عَ تَن لَبُندّ تُرٍ نَن مَسٌشِ ﭑ سَنيِيٍ مَ.

⁴⁷نَ نَ عَ رَ، ﭑ شَ عَ قَلَ عِ بّ، عَ شَ يُنُبِيٍ نَشٍيٍ فبٌشِ نَ كِ، عٍ بَرَ شَقَرِ عَ بّ، بَرِ مَ عَ شَ شَنُنتٍيَ قَن فبٌ. كْنْ نَشَن شَ يُنُبِ شَقَرِشِيٍ شُرُن، نَ كَنيِ شَ شَنُنتٍيَ قَن شُرُن.»

⁴⁸عِسَ نَشَ قَ عَ مَسٍن فِنّ بّ، «عِ شَ يُنُبِيٍ بَرَ شَقَرِ.»

⁴⁹نَشٍيٍ نُ مَفٌرٌشِ عٍ دّفٍدٍ، نٍيٍ قَن نَشَ سٌ عَ قَلَقٍ عٍ يّتّ مَ، «ندٍ يِ رَ عَ تٌ يُنُبِ شَقَرِ مَ؟»

⁵⁰عِسَ مَن نَشَ عَ مَسٍن فِنّ بّ، «عِ شَ دَنشَنِيَ بَرَ عِ رَكِسِ. سِفَ بْحّسَ كُي.»