Lucas 7:38-50

³⁸Ome Jesús-yarganba, e-mali-dikarba ise-boar signonikid. Agi, ome na e-ibyanisgi Jesús-e-mali owardikusad. Geb degi, e-sailagiagi odinnosbalid. Ome Jesús-mali suk imaksad, gwallu-wawad Jesús-maligi eosbalid.

³⁹Fariseo-Jesúsʼnik-gochadi degi-daksagua, na e-gwagegi binsasigualid: “Ar Jesús, Bab-Dummad-gayaburba-barsogeddina, wisindo, we-ome, doa-dule, degine, we-ome-e-ebunaidi, igidaedbali. Ar we-ome isgudiid-duled.”

⁴⁰Geb degi, Jesús sunmakdegu, sogded: —Simón, ibmar-gwensak an bega sogbido. Simón, abin-sogded: —Odurdaked-saila, be soge.

⁴¹Jesús sogded: —Dulemar-walabo dule-gwensakgi mani gasmalad: Wargwen egi dulataled-ilatar (500) mani gasad, baiddi, dulatar (100) egi mani gasad.

⁴²Ar ebobela geg bennuke gusmalad. Degisoggu, mani-ibed amarga sogsagusad: ‘Akarsurye, mer bar an-bennukmaloye.’ Emide, be anga sogena: We-dule, ¿doa bur sab be insae?

⁴³Simón, abin-imakdegu, sogded: —An insagua, bur dumma-egi-mani-ganigusad, an insado. Jesús, abin-sogded: —Napiragwad be sogsado.

⁴⁴Jesús ome-siidsik aibilisgua, Simónʼga sogded: —We-ome be dakena. An be-negse dognonigu, gwen be anga an-nag enukega dii uksasulid. Ar we-omedi e-ibyanisgi an-nag enuksad, degine, e-sailagiagi anga an-nag odinnosbalid.

⁴⁵Dog-nued-noniye be anga sogega, be an-wagar ussulid. Ar we-omedi an be-negse dogsad-akar an-nag usiguad.

⁴⁶”Be an-nonogi anga gwallu-wawad gwen eossulid, ar we-omedi an-naggi gwallu-wawad eosad.

⁴⁷Ar degisoggu, an bega sogsun, we-ome-dummad-isgudiid ega bela elilesad, ar ade, we-omede dummad-an-sabgusad. Ar dule unnila ichee ega isgued-elilesale, ichee sabgumogad.”

⁴⁸Geb degi, Jesús omega sogded: —Be-gwagegi be isgudigusad nugussun.

⁴⁹Dulemar-mesegi-eba-mas-gunbukmalad, na ulubgi binsadmalad, sogdemalad: —¿Ar wede doa-dulesunna, isguedse-bakar, elied?

⁵⁰Ar Jesúsʼdi omega sogded: —Be-angi-bensulidba isguedgi be abonolesun. Degisoggu, ulubgi gwage-bogidikidba be nasun.