Luka 8:9-32

⁹A e sikade lese pučlje e Isuse: “Vačar amenđe savi si kaja paramič?”

¹⁰A vov vačarda: “O Dol tumenđe dija te đanen o garajpe tare leso Carstvo, a averenđe vačarav ane paramiča, te pherdol okova so ačhol ano Sveto lil: 'Te dikhlje ni ka shvatin, Thaj te šunde ni ka haljaren.'

¹¹Kaja paramič phenol kava: O seme si sar o Lafi e Devleso.

¹²O seme savo pelo po drom si manuša save šunen o lafi e Devleso, thaj avol o beng, lol o lafi andaro lengo ilo, te ma pačan thaj te ni spasinpe.

¹³A o seme savo pelo po bar gola si manuša save šunen radosno thaj len o lafi sar luluđa saven naj koreno. Zala vreme pačan, a kana avol o vreme tare iskušenjura, tegani šučon.

¹⁴A o seme savo si ane kangre golasi kola manuša save šunen o Lačho lafi, al o pharipe, o barvalipe thaj o guglipe kale svetoso tasavol len thaj ni den šukar bijandipe.

¹⁵A o seme savo si ki šukar phuv gola si manuša save šunen o lafi, thaj gova lafi ičaren ano šukar thaj iskreno ilo, sa đi kaj ni anen šukar bijandipe.”

¹⁶Khoni ni phabarol i memeli te bi učharola la e čaresa, thaj ni čhuvola talo than e sojmaso. Čhuvol la ke memeljako than te šaj okola save den andre dičhen o svetlo savo phabol.

¹⁷Sa so si garado ka avol pučardo, thaj so si čerdo garandoj ka ikljol ko dičhipe.

¹⁸Golese pazin sar šunen, golese kas isi, ka dolpe lese, a kas naj, ka lolpe lestar i kova zala so dol gođi kaj isile.

¹⁹Avile e Isusesi dej thaj lese phrala, thaj naštine tare but manuša te vačaren lesa.

²⁰Thaj khoni vačarda e Isusese: “Ći dej thaj će phrala ačhen avri, thaj manđen te dičhen tut.”

²¹A o vov vačarda lenđe: “Mi dej thaj me phrala si kola save šunen o lafi e Devleso thaj ičaren le.”

²²Jekh đive o Isus phenda pe sikadenđe: “Te nakha ki aver rig e pajesi.” Dije ano čamco thaj đele.

²³Thaj kana pojdisade o Isus zasuta. Thaj uštili bari balval, o čamco lija te pherdol paj thaj lije te tason, thaj but darajle so sesa ano baro bilačhipe.

²⁴Thaj e sikade avile pašo Isus thaj lije te den vika: “Rajo! Rajo! Ka tasiva!” Thaj o Isus uštilo, thaj vačarda e balvaljaće thaj e bare pajese te ačhen, thaj von ačhile thaj pal gova khanči ni ašundilo.

²⁵A o Isus vačarda lenđe: “Kaj tumaro pačaipe?” A e sikade darajle thaj čudisajle thaj jekh averese vačarde: “Savo si kava so e balvaljenđe thaj e pajese vačarol te ačhen, thaj von šunen le?”

²⁶Thaj resle paši Gerasinsko phuv savi si ki aver rig tari Galileja.

²⁷Thaj kana iklilo o Isus taro čamco, avilo paše leste jekh manuš andaro foro ane kaste sesa benga. But berša Sasa nango, thaj ni bešlo ano čher, nego bešlo ke limora.

²⁸Thaj kana dikhlja e Isuse, dija vika thaj pelo angle leste thaj vačarda: “So manđe mandar, Isuse Čhaveja embare Devleso? Moliv tut ma mučima.”

²⁹Golese so o Isus već vačarda e melale duxose te ikljol andaro manuš, ane kaste sasa o melalo duxo but vreme. E manuša phandena le ane sinđira thaj aračhena le, čhinola e sinđira thaj o beng inđarola le ani pustinja

³⁰A o Isus pučlja le: “Sar si ćo alav?” Vov phenda: “Legija (but đene amen)”, golese kaj but benga sesa ane leste.

³¹Thaj molisade e Isuse e melale duxura te ma bičalol len ano bezdan.

³²Paše gotar sasa jekh brego kaj sesa pherdo bale save xana, a e melale duxura molisade e Isuse te mučhol te đan ane bale. Thaj o Isus mukhlja te đan.