لُكِ 8:9-32

⁹عِسَ قْشِرَبِرّيٍ تٌ عَ مَشْرِن عَ شَ نَ تَالِ يَ عِبَ عٍ بّ،

¹⁰عَ نَشَ عٍ يَابِ، «عَلَ بَرَ قَهَامُي قِ وٌ مَ وٌ شَ عَ شَ مَنفّيَ نِينِ فُندٌ كٌلٌن، كْنْ مِشِ فبّتّيٍ تَن عَ مّمَ تَالِ وْيّنيِيٍ نَن نَ، عَلَكٌ ‹عٍ شَ قٍ تٌ، كْنْ عٍ نَشَ عَ عِفبّ. عٍ شَ قٍ مّ، كْنْ عٍ نَشَ عَ قَهَامُ.›»

¹¹«نَ تَالِ وْيّنيِ يَ عِبَمَ يِ كِ نّ. سَنسِ شْرِ مِسَالِشِ عَلَ شَ مَسٍنيِ نَن نَ.

¹²سَنسِ شْرِ نَشٍيٍ بِرَ كِرَ شْن، نٍيٍ مِسَالِشِ مِشِيٍ نَن نَ نَشٍيٍ بَرَ عَلَ شَ مَسٍنيِ مّ، كْنْ عِبُلِسَ نَن قَمَ قَ، عَ عَ بَ عٍ بْحّ مَ، عَلَكٌ عٍ نَشَ قَ دَنشَنِيَ، عٍ كِسِ.

¹³سَنسِ شْرِ نَشٍيٍ بِرَ فّمّ يِرٍ، نٍيٍ مِسَالِشِ مِشِ نَن نَ نَشٍيٍ عَلَ شَ مَسٍنيِ مّمَ، عٍ عَ سُشُ سّيوّ رَ. كْنْ سَنكٍ تٌ مُ نَ عٍ بّ، عٍ شَ دَنشَنِيَ مُ بُمَ. مَرَتَنتَنيِ وَشَتِ نَ عَ لِ، عٍ مُ شَنمَ.

¹⁴سَنسِ شْرِ نَشٍيٍ بِرَ تُنبٍ كُنسِيٍ تَفِ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، كْنْ كْنتْقِلِ، بَننَيَ، نُن يّتّ رَقَن قٍيٍ نَن عَ نِيَمَ عٍ مُ فّ عٍ بٌفِ رَ مِنِدٍ عَلَ بّ.

¹⁵سَنسِ شْرِ نَشٍيٍ بِرَ بّندّ قَنيِ تَن مَ، نٍيٍ مِسَالِشِ مِشِيٍ نَن نَ نَشٍيٍ عَلَ شَ مَسٍنيِ مّمَ، عٍ عَ رَفَتَ عٍ بْحّ قَنيِ مَ تِنشِنيِ كُي، عٍ عٍ بٌفِ رَ مِنِ عَلَ بّ تُننَبّشِيَ كُي.»

¹⁶«مِشِ يٌ مُ لَنثُي رَدّشّمَ، عَ مَن قَ قّحّ قٍلٍن عَ شُن نَ، شَ نَ مُ عَ رَ عَ عَ رَ سٌ سَدٍ بُنيِ. عَ عَ دْشْمَ لَنثُي دْشْسٍ نَن قَرِ عَلَكٌ نَشٍيٍ سٌمَ بَنشِ، عٍ شَ عَ تّ دّشّ تٌ.

¹⁷قٍ نْشُنشِ بِرِن قَمَ كٌلٌندٍ. فُندٌ بِرِن مَكّنّنمَ نّ.

¹⁸نَ نَ عَ رَ، وٌ لَن وٌ شَ وٌ تُلِ مَتِ عَ قَنيِ رَ. قَهَامُي كَنيِ شَ قَهَامُي شُن مَسَمَ، كْنْ قَهَامُتَرٍ، هَلِ عَ نَشَن دِ مَحْشُنشِ عَ فبٍ رَ، نَ قَمَ بَدٍ عَ يِ رَ.»

¹⁹عِسَ نفَ نُن عَ شُنيَ شّمّمَيٍ نَشَ سِفَ عَ يِرٍ، كْنْ عٍ مُ نُ نْمَ مَكْرّدٍ عَ رَ حَمَ شَ قٍ رَ.

²⁰مِشِ ندٍ نَشَ عَ قَلَ عِسَ بّ، «عِ نفَ نُن عِ شُنيَيٍ نَ تَندٍ، عٍ وَ مَ عِ تٌقٍ.»

²¹كْنْ عِسَ نَشَ عَ يَابِ، «مِشِ نَشٍيٍ عَلَ شَ مَسٍنيِ رَ مّمَ، عٍ عَ رَبَتُ، نٍيٍ نَن قِندِشِ ﭑ نفَ نُن ﭑ شُنيَيٍ رَ.»

²²لْشْ ندٍ، عِسَ نَشَ عَ قَلَ عَ قْشِرَبِرّيٍ بّ، «وٌن شّي بَا نَاكِرِ مَ.» عٍ بِرِن نَشَ بَكِ كُنكُي كُي، عٍ سِفَ.

²³نَ حّرّ كُي، عِسَ نَشَ شِ. قٌيٍ بٍلٍبٍلٍ نَشَ كٍلِ بَا مَ، كُنكُي نَشَ رَقٍ قْلْ يٍ رَ. فبَلٌي نُ بَرَ مَكْرّ عٍ رَ.

²⁴نَ كُي، عَ قْشِرَبِرّيٍ نَشَ قَ عِسَ رَشُنُ عٍ عَ قَلَ عَ بّ، «كَرَ مْشْ، كَرَ مْشْ، وٌن قَشَقٍ نّ يِ كِ!» عِسَ تٌ شُنُ، عَ نَشَ وْيّن قٌيٍ نُن مْرْنيِيٍ مَ، عَ عٍ يَامَرِ. قٌيٍ نُن مْرْنيِيٍ نَشَ عَ عِتِ، بَا نَشَ رَشَرَ.

²⁵عِسَ نَشَ قَ عَ قْشِرَبِرّيٍ مَشْرِن، «وٌ شَ دَنشَنِيَ نَ مِندٍن؟» عٍ قَن نَشَ فَاشُ، عٍ كَابَ، عٍ نُ عَ قَلَ عٍ بٌرٍ بّ، «ندٍ لَنشِ يِ مَ؟ هَلِ قٌيٍ نُن بَا، عَ عٍ يَمَرِ مَ، عٍ عَ شُي رَبَتُ.»

²⁶عِسَ نُن عَ قْشِرَبِرّيٍ تٌ سٌ فَدَرَ بْشِ مَ، دّننَشّ نَ فَلِلٍ نَاكِرِ مَ،

²⁷عِسَ تٌ فٌرٌ شَرٍ مَ، عَ نَشَ حِننّيٍ كَنيِ لِ نَا. سِنفٍ عَ نُ سَبَتِشِ تَا كُي، كْنْ كَبِ تّمُي شْنكُيٍ عَ سَبَتِشِ فَبُرِ يِرٍ عَ مَفٍلِ رَ.

²⁸عَ تٌ عِسَ تٌ، عَ نَشَ فبٍلٍفبٍلٍ، عَ سَ بِرَ عَ بُن مَ، عَ عَ قَلَ عَ شُي عِتٍشِ رَ، «عِسَ، عِ تَن عَلَ شِلِ شُنفبٍ كَنيِ شَ دِ، عِ وَ مَ مُنسٍ شْن مَ ﭑ بّ؟ ﭑ بَرَ عِ مَيَندِ، عِ نَشَ ﭑ حَشَنكَتَ.»

²⁹عَ نَ قَلَ نّ، بَرِ مَ عِسَ نُ بَرَ حِننّ يَمَرِ عَ شَ فبِلٍن نَ شّمّ قْشْ رَ. سَنمَيَ وُيَشِ، مِشِيٍ نُ بَرَ يْلْنشْنيِ سَ عَ سَنيِيٍ نُن عَ بّلّشّيٍ مَ، عَلَكٌ عَ نَشَ عَ مَشْنْ، كْنْ حِننّ نُ لُمَ يْلْنشْنيِيٍ بٌلٌن نَ، عَ قَ عَ رَكٌنكٌن وُلَ رَ.

³⁰عِسَ نَشَ عَ مَشْرِن، «عِ شِلِ دِ؟» عَ نَشَ عَ يَابِ، «ﭑ شِلِ نّ فَلِ.» عَ نَ قَلَ نّ بَرِ مَ حِننّ فبٍفبٍ نَن نُ عَ قْشْ رَ.

³¹حِننّيٍ نَشَ عِسَ مَيَندِ عَلَكٌ عَ نَشَ عٍ رَ سَنبَ يَهَننَمَ.

³²شْسّ فَلِ نُ نَ عٍ دّ مَدٌنقٍ فٍيَ ندٍ مَ. حِننّيٍ نَشَ عِسَ مَيَندِ عَ شَ تِن عٍ شَ سَ سٌ نَ شْسّيٍ. عِسَ تٌ تِن،