Lucas 3:19-28

¹⁹Sinuḻasuḻagana pay si ali Herodes maipagapu’t dit nangasaw-ana kan Herodias un asawan dit sunud na kan osa pay adu dat lawenga kingkingwana.

²⁰Yoong am-amodot un laweng dit kingwan Herodes ta paimbaḻud na si Juan.

²¹Utdiya timpu un mamunbunyagan Juan sidat tagu, ummoy pay si Jesus nampabunyag kan siya. Ot utdiya manlulluwaḻuwan Jesus un nabunyagan, nambukat din langit.

²²Ot dummoba si Ispiritu Santu un kama si kalupati un inumpa kan siya. Inggaw ginga’n nanligwat un kanana’n, “Sika ud pipiyaoka Anak ku un taḻona masmas-omak.”

²³Umoya tuḻumpuḻu’n dagun Jesus sidit inlugi na un nansuḻu. Ot imbilang dat tagu un anak ud Jose un anak Eli.

²⁴Sat Eli, anak Matat, un anak Levi, un anak Melki, un anak Jane, un anak Jose.

²⁵Sat Jose, anak Matatias, un anak Amos, un anak Nahum, un anak Esli, un anak Nage.

²⁶Sat Nage, anak Maat, un anak Matatias, un anak Semei, un anak Jose, un anak Juda.

²⁷Sat Juda, anak Joana, un anak Resa, un anak Zorobabel, un anak Sealtiel, un anak Neri.

²⁸Sat Neri, anak Melki, un anak Adi, un anak Cosam, un anak Elmadam, un anak Er.