Lukas 3:19-28

¹⁹Nge Johannes a apwüngü ewe samol Herotes pokiten an pwülüeni Herotias pwülüen pwiin we, pwal pokiten an kewe föför mi ngau meinisin a föri.

²⁰Mürin Herotes a föri och föför mi fokun ngau ren an aturalong Johannes lon imwen fötek.

²¹Iwe, lupwen ekewe aramas meinisin ra papatais, Jesus a pwal papatais. Nge lupwen Jesus a iotek, läng a sukula

²²o ewe Ngünmifel a feitiu won usun lapalapen eman lisom. Iwe, eu möngüngü a feitiu seni läng a apasa, “En nei mi fokun achengicheng, üa unusen pwapwa reöm.”

²³Iwe, lupwen Jesus a popuetä an angang a ierini ina epwe ilik ier. Iei usun än aramas ekiek pwe Jesus nöün Josef, nge Josef nöün Eli,

²⁴Eli nöün Matat, Matat nöün Lefi, Lefi nöün Melki, Melki nöün Jannai, nge Jannai nöün Josef,

²⁵Josef nöün Matitia, Matitia nöün Amos, Amos nöün Nahum, Nahum nöün Esli, nge Esli nöün Nakkai,

²⁶Nakkai nöün Mahat, Mahat nöün Matatias, Matatias nöün Simei, Simei nöün Josek, nge Josek nöün Jota,

²⁷Jota nöün Johanan, Johanan nöün Resa, Resa nöün Serupapel, Serupapel nöün Sealtiel, nge Sealtiel nöün Neri,

²⁸Neri nöün Melki, Melki nöün Atti, Atti nöün Kosam, Kosam nöün Elmatam, nge Elmatam nöün Er,