SAN LUCAS 3:19-28

¹⁹Ján₃ bá₄ ca₂jéin₂ Rag₅₄ Herodes, ia₁ a₂jme₁ma₂guá₅ 'éi₂ quian'₅₄ 'io₅₄ Herodías dsa₂ mɨ́₂ quián₅ rɨin'₅₄, ne₄ 'lióng₂ guë́₄ a₂'lɨg'₅₄ siá'₂ a₂jme₁jmo₅-dsáu₅ Herodes;

²⁰la₁ të₂le₃ ŋag₅₄ guë́₄ ca₂jme₃ja₃: né'₃ 'má₃ bá₄ ca₂tiáin₂ Juan₅₄.

²¹Jme₁ma₂ca₂lë₃ choin₂₃ jmɨg₂ ca₂le₃jɨ́n₃ dsa₂, jme₁ma₂në₂chon₃a Jesús jmɨg₂, a₂ma₂chéin'₅ chi₂léin'₂ Diú₄ në́₃. Të₃jë₄ jaun₂ ca₂niá₃ dsɨ₄ i₂juɨ́g₃.

²²Ca₂sión₃ Jme₂dsí₂ Jŋió₅ chi₁dsáin₃ jniái₂ lia'₂ jniá₂ jan₂ i₁ju₂, ne₄ quió'₅. Jaun₂ ca₂né'₂ jág₁ a₂já₅ guei'₅₄ i₂juɨ́g₃ a₂juá'₂: ―'Ne₂ bá₄ lɨ́ng'₅ jón₃ quiáng₃ i₂'nióg₃ guë́₄ lɨn₃; 'ŋio₂ bá₄ dsɨ₃ 'ŋio₅ lɨn₃ jɨng₅₄ 'ne₂.

²³Con'₂ guióg₂-guiá₂ ŋi₂ bá₄ jme₁ma₂'en₅₄ Jesús lia'₂ con'₂ jme₁ca₂jme₃lióg₃ ca₂jme₃tɨin₂₃ dsa₂ jág₁ dse₃. Dsa₂ në́₃, jmo₂₃ dsɨ́₅ a₂lɨ́n₅ 'éi₂ ja₁ŋi'₅₄ Së́₄. Jaun₂ Së́₄ 'éi₂ ca₂já₃ ca₂lɨin₃ ja₁ŋi'₅₄ Elí.

²⁴Elí 'éi₂ guë'₂ në́₃ ca₂já₃ ca₂lɨin₃ ja₁ŋi'₅₄ Matat; Matat 'éi₂ guë'₂ në́₃ ca₂já₃ ca₂lɨin₃ ja₁ŋi'₅₄ Leví i₂jme₁lɨ́n₄ ja₁ŋi'₅₄ Melqui; Melqui në́₃ jme₁lɨ́n₄ chi'₂ quián₅ Jana, i₂jme₁lɨ́n₄ chi'₂ quián₅ José;

²⁵José në₅ në́₃ ca₂já₃ ca₂lɨin₃ chi'₂ quián₅ Matatías; Matatías guë'₂ në́₃ ca₂já₃ ca₂lɨin₃ ja₁ŋi'₅₄ Amós; Amós jme₁lɨ́n₄ ja₁ŋi'₅₄ Nahum; Nahum guë'₂ jme₁lɨ́n₄ ja₁ŋi'₅₄ Esli, i₂jme₁lɨ́n₄ chi'₂ quián₅ Nagai

²⁶i₂jme₁lɨ́n₄ chi'₂ quián₅ Ma'at; Ma'at guë'₂ ca₂já₃ ca₂lɨin₃ ja₁ŋi'₅₄ Matatías; Matatías guë'₂ ca₂já₃ ca₂lɨin₃ chi'₂ quián₅ Semei; Semei 'éi₂ në́₃ ca₂já₃ ca₂lɨin₃ ja₁ŋi'₅₄ i₂chen₂ José; José guë'₂ në́₃ ca₂já₃ ca₂lɨin₃ ja₁ŋi'₅₄ Judá;

²⁷Judá 'éi₂ guë'₂ në́₃ ca₂já₃ ca₂lɨin₃ ja₁ŋi'₅₄ Joana; Joana 'éi₂ guë'₂ në́₃ ca₂já₃ ca₂lɨin₃ chi'₂ quián₅ i₂jme₁chen₂ Resa; Resa guë'₂ në́₃ ca₂já₃ ca₂lɨin₃ ja₁ŋi'₅₄ i₂chen₂ Zorobabel; Zorobabel guë'₂ në́₃ ca₂já₃ ca₂lɨin₃ chi'₂ quián₅ i₂jme₁chen₂ Salatiel, i₂jme₁lɨ́n₄ ja₁ŋi'₅₄ Neri,

²⁸i₂jme₁lɨ́n₄ ja₁ŋi'₅₄ Melqui, i₂jme₁lɨ́n₄ ja₁ŋi'₅₄ Adi, i₂jme₁lɨ́n₄ chi'₂ quián₅ i₂chen₂ Cosam, i₂jme₁lɨ́n₄ chi'₂ quián₅ Elmodam, i₂jme₁lɨ́n₄ chi'₂ quián₅ i₂jme₁chen₂ Er,