Odoca 3:19-28

¹⁹Incæte tömengä pancabaa Awënë Edode ingante, Bitö tönïñacä nänöogængä Ædodiya ingante mömii, ante pïïninque Edode nänö wïwa cædïnö ante tömänö ante pïingä adinque,

²⁰Edode wodi guiquënë godömenque wïwa cædinque Wäö ingante tee mönecä wægacäimpa.

²¹Mänïï Wäö tömänäni ïnänite æpæ̈në nänö guidöñedë Itota ingante adobaï guidongä guiicantapa. Guiite ate Wængonguï ingante apæ̈neyongä öönæ wi æ̈nete baï bayonte edæ

²²Wængonguï Tæiyæ̈ Waëmö Önöwoca equemö wææ̈ contate baï tömengäa edonque pönï wææ̈ guiicä ate öönædë apæ̈nedinque, —Bitö botö Wëmi botö në waadebi ïmipa. Bitö ïmite waa adinque waa tobopa, ante öönædë apæ̈necä ëñengacäimpa.

²³Todëinta wadepo nänö ëñagaïñedë ïinque bayonte Itota mänïñedë täno cæcä ingacäimpa. Tömengä ingante në pæpogadongä ïñömö Ootee ïñongante wadäni, Itota wæmpocä ingampa, ante pönënönänimpa. Ootee wodi mæmpo wææ̈ Edii wodi ingacäimpa.

²⁴Edii wodi mæmpo wææ̈ Mäatato, Mäatato wodi mæmpo wææ̈ Debii, Debii wodi mæmpo wææ̈ Mëedequi, Mëedequi wodi mæmpo wææ̈ Cäna, Cäna wodi mæmpo wææ̈ docä Ootee wodi ingacäimpa.

²⁵Mänïï docä Ootee wodi mæmpo wææ̈ Mäatatia, Mäatatia wodi mæmpo wææ̈ Ämoto, Ämoto wodi mæmpo wææ̈ Näacö, Näacö wodi mæmpo wææ̈ Etedi, Etedi wodi mæmpo wææ̈ Näagaï ingacäimpa.

²⁶Näagaï wodi mæmpo wææ̈ Mäato, Mäato wodi mæmpo wææ̈ docä Mäatatia, docä Mäatatia wodi mæmpo wææ̈ Tëmei, Tëmei wodi mæmpo wææ̈ Ooteco, Ooteco wodi mæmpo wææ̈ Oodaa ingacäimpa.

²⁷Oodaa wodi mæmpo wææ̈ Owäna, Owäna wodi mæmpo wææ̈ Deta, Deta wodi mæmpo wææ̈ Dodobabedo, Dodobabedo wodi mæmpo wææ̈ Tadatiedo, Tadatiedo wodi mæmpo wææ̈ Nëedi ingacäimpa.

²⁸Nëedi wodi mæmpo wææ̈ docä Mëedequi, docä Mëedequi wodi mæmpo wææ̈ Adi, Adi wodi mæmpo wææ̈ Cotäö, Cotäö wodi mæmpo wææ̈ Edëmadäö, Edëmadäö wodi mæmpo wææ̈ Ede ingacäimpa.