Text copied!
CopyCompare
Fat Mata ogepma - Luk - Luk 3

Luk 3:19-28

Help us?
Click on verse(s) to share them!
19Oro Jön yu owi amna komanangno mata ihoroc inongidoc. O mit wömai yu ihorocgon amna moröma Heröt yu inong fadoc. Heröt yu namba wan gavman morö ida toroc kiap wontucmuno koböcma tongidoc. Turongono au wömai yu ingoroc togoc. Yu domino Herödias yu tong sigoc. Yu woi Heröt orugohon oweno. Woroc togocmaha Jöntho Heröt nongoru mata koingo inogoc.
20Ihoroc inogocmaha Herötho ec imuna Jön yi bucin tohong yugoc. Oro Heröt kiap wo togocma woi wontucmuno sinom. Tongga turongo au yudec sakaun figoc.
21Oro Jön abe yi bucin maidocan bongono wocin owi amna koböcmaho ‘Jön yamuc gung nimpun’ yongo yuot ongidung. Tuya Yesu yu ihorocgon yamuc gupgupha Jönot onguna Jöntho yu yamuc gung imogoc. Tuna Yesuho dönac yongga idina mom fagariuna
22Kunkun Yaru kanaröm ganto yudec ohogoc. Ohuna momdecma inggun au öngkungga ingoroc yogoc, “Goc nakain manana batip sinom. Noc gocha toup kombingitat. Nocho goc erangga irotnaho gocha kömehat,” inggun ihoroc öngkungga yogoc.
23Oro Yesu yu birucno 30 worochon toroc idocan bongono wocin wömai yu youpno sinom forosigoc. Suraroho wömai Yesuha ingoroc kombigung: Yesu yu Yösephon manano, Yösep yu Helihon
24Heli yu Matathon, Matat yu Livaihon, Livai yu Melkihon, Melki yu Janaihon, Janai yu Yösephon manano,
25Yösep yu Matatiashon, Matatias yu Amoshon, Amos yu Nahumphon, Nahum yu Eslihon, Esli yu Nagaihon manano,
26Nagai yu Mathon, Mat yu Matatiashon, Matatias yu Sementhon, Semen yu Jösekhon, Jösek yu Jödahon manano,
27Jöda yu Joanamphon, Joanam yu Resahon, Resa yu Serubabelhon, Serubabel yu Sealtielhon, Sealtiel yu Nerihon manano,
28Neri yu Melkihon, Melki yu Adihon, Adi yu Kosamphon, Kosam yu Elmadamphon, Elmadam yu Erhon manano,

Read Luk 3Luk 3
Compare Luk 3:19-28Luk 3:19-28