San Lukas 3:19-28

¹⁹Chay Jwanqam anyashqa karqan gubyirnu Irudista, masanda traysyunda rurashqambaq, suq laya mana allikunata rurashqambaqpis. Chaqa chay Irudisqam masan Filipipa warmin Irudiyasta qoch'ishpa, payna purichiykarqan.

²⁰Chaymi chay Irudisqa malpaq piskashpa, ashwamba maluta rurashpa, Jwandaqa karsilarqan.

²¹Piru Jwan manaraq karsilpi kashpam, ancha achka runakunata shutichirqan. Jisuspismi chay diyakunapi Jwanman rirqan shutichinambaq. Chaymandaqam Jisusqa shutikushpa, Dyusman mañakuykaptinqa, syiluqa kich'akarqan.

²²Chaymandaqam Dyuspa Santu Ispiritun suq palumitashina shamurqan Jisuspa sawanman. Chay urasmi Tayta Dyusqa syilumandapacha payta kayshina nirqan: —¡Qami ancha kuyashqay Churiyqa kangi! ¡Qamwanmi ancha kushikuni! nishpa.

²³Jisukristu 30 watayuq kashpach'i, qallarirqan Tayta Dyuspaq yach'achikuq. Jisuspaqqam niqllapa: “Jusipa churinshi”, nishpa. Chay Jusipa taytanmi Eli shutiq.

²⁴Elipa taytanqam Matat shutiq. Matatpaqam Libi; Libipaqam Milki; Milkipaqam Jana; Janapaqam Jusi;

²⁵Jusipaqam Matatiyas; Matatiyaspaqam Amus; Amuspaqam Nawun; Nawumbaqam Isli; Islipaqam Nagayi;

²⁶Nagayipaqam Mat; Matpaqam Matatiyas; Matatiyaspaqam Simiyi; Simiyipaqam Jusi; Jusipaqam Juda;

²⁷Judapaqam Juwana; Juwanapaqam Rrisa; Rrisapaqam Surubabil; Surubabilpaqam Salatyil; Salatyilpaqam Niri;

²⁸Niripaqam Milki; Milkipaqam Adi; Adipaqam Kusam; Kusambaqam Ilmudam; Ilmudambaqam Ir;