Luka 3:19-28

¹⁹Nuydh matha kedha thanamun kuyku mabayg Erodhalpa koey dharadh mayparuy kuyk nuy nungu tukuypaw ipi gamupa thamadhin nubepa ipi. Nanu nel Erodhiyas. Erodh nuydh pasinu wara wati zapul aymoeypu.

²⁰Kalanu nuydh adhapudhay gegeyadh aymoedhin, Yoewanen kunumay lagoenu thayadhin.

²¹Wagel kay Yoewanen kunumay lagoenu thayadhin nuydh kulay paptayso mamayidhin mura mabaygal. A thanamuniya kalmel Yesu lak kedha ngapa Yoewanelpa nubepa papthayso maypa. A nungu paptayso kalanu nungu thoeythu poegay. Balbayginga senawbi thonara dapar gud pudhaydhin,

²²A sizi ngapa mulupa Maygi Marin uruy gamu ngoedha madhin a nubiya gimal aymay, a matha kedha yangu wakay ngapa daparoengu kedha, ‘Ina Ngaw Geth Mamal Kazi, nuy ngayapa mina matha ngoedhagidh.’

²³Wa, senabi kalanu Yesu nungu zageth kuyk aymoedhin nungu wathal sey kedha thoerti. Nuy midh thonara moegina mapeth mabaygoepa kedha nuy Yoewsepan kazi. Yoewsepa nuy Elin kazi.

²⁴Eli nuy Mathathan kazi, Mathatha nuy Lebin kazi, Lebi a Melkin kazi, Melki nuy Zanayn kazi, Zanay nuy Yoewsepan kazi.

²⁵Yoewsepa nuy Mathathayasan kazi, Mathathayas Aymosan kazi, Aymos a Naman kazi, Nama Eslin kazi, Esli Nagayn kazi.

²⁶Nagay Mathan kazi, Matha Mathayasan kazi, Mathayas Seman kazi, Sema Zosikan kazi, Zosika Zodan kazi, a Zoda Yonan kazi, a Yona Resan kazi.

²⁷Resan Zerubaybelan kazi, Zoerababel Seyaltiyalan kazi, a Seyaltiyal Nerin kazi.

²⁸Neriya Melkin kazi, a Melki Adin kazi, Adi nuy Kosaman kazi, Kosama Elmadaman kazi, Elmadama Eran kazi.