Lucas 3:19-28

¹⁹Migpangaboyu isab sikandin ki Gubernadur Herodes tongod to madoot no mgo hinang din, yabi to pag-agow ki Herodias no asawa to suun din.

²⁰Di migdugang yagboy to sae ni Herodes no ipaprisu din si Juan.

²¹Di no wada pad kaprisu si Juan, mahan-in pad to mgo otow no pigbawtismuhan din. Si Jesus migpabawtismu isab kandin. Pagkatapus, no mig-ampu pad si Jesus, naabri to yangit.

²²Dajun migkonsad duon kandin to Ispiritu Santu no angod to salapati aw taphun duon kandin. Meyduon isab kagi likat to yangit no mig-iling, “Sikuna to anak ku no pinadajag no ingkalipay ku yagboy.”

²³Mgo katluan on no tuig to idad ni Jesus to pagsugud din to trabahu din. Nailing to boot to mgo otow no anak sikandin ni Jose. Si Jose anak ni Heli.

²⁴Si Heli anak ni Matat. Si Matat anak ni Levi. Si Levi anak ni Melqui. Si Melqui anak ni Jana. Si Jana anak ni Jose.

²⁵Si Jose anak ni Matatias. Si Matatias anak ni Amos. Si Amos anak ni Nahum. Si Nahum anak ni Esli. Si Esli anak ni Nagai.

²⁶Si Nagai anak ni Maat. Si Maat anak ni Matatias. Si Matatias anak ni Semei. Si Semei anak ni Jose. Si Jose anak ni Juda.

²⁷Si Juda anak ni Joanan. Si Joanan anak ni Resa. Si Resa anak ni Sorobabel. Si Sorobabel anak ni Salatiel. Si Salatiel anak ni Neri.

²⁸Si Neri anak ni Melqui. Si Melqui anak ni Adi. Si Adi anak ni Cosam. Si Cosam anak ni Elmodam. Si Elmodam anak ni Er.