Luk 3:19-28

¹⁹Ka navong Sion mul mumon umen onen, selus keih va kat asuv houlu Herod Antipas veni kur ahin onen tunali mai vi ahin onen, isen Herodias. Sion selus emun va kat Herod ven tounah sav vasi keil koa mumoni koa romaltei.

²⁰Sakini, Herod mumon tounah tai koa tisa mok mulin tounah sav keil koa mumoni: kei viteni keke meatin tavaeen keil onen avaha avahuli kat Sion ka avasoni vaha en eim takeih.

²¹Navong semau Sion vi baptaes en meatin keil, Iesu emun mai veni keke Sion vahi baptaes eni. Ka navong Iesu mul vis, voiteh ten out nesa mutah

²²ka Ninin Votut muka mita suval ame ka rondan en kei. Ka rea tai viso ka en out nesa vit, “Keik kovi natkuli kati anatin koa envatien onak mul enuk, ka nasi nau mok venuk.”

²³Navong Iesu kur rohtoh en umen onen, sua onen hanumau tai ka halualim emun (30). Meatin vasi amundemi avit kei vi natin Siosep. Ka avu keil ten vatiamal onen Siosep, eis keil one mukok: Siosep vi natin Heli.

²⁴Ka Heli vi natin Matat, koa vi natin Livae, koa vi natin Melki, koa vi natin Sanae, koa vi natin Siosep.

²⁵Siosep vi natin Matataeas, koa vi natin Amos, koa vi natin Neham, koa vi natin Esli, koa vi natin Nakae.

²⁶Nakae vi natin Mahat, koa vi natin Matataeas, koa vi natin Semein, koa vi natin Sosek, koa vi natin Soda.

²⁷Soda vi natin Soanan, koa vi natin Resa, koa vi natin Serubabel, koa vi natin Seltil, koa vi natin Neri.

²⁸Neri vi natin Melki, koa vi natin Adi, koa vi natin Kosam, koa vi natin Elmadam, koa vi natin Er.