Luk 3:19-28

¹⁹Aria Jon nahao Herot douk debeini gavman um shokugi nahobig um Galili iri. Jon nahan um agundok natrun ananin wanin ananik irohukwik Herodias um. Aria shopunek um agundok nenek sabaishi yoweishi inahos um.

²⁰Aria Herot ta shopunek nenek enesh yoweishi inahos um ta nuweshik Jon um.

²¹Douk sabaishi arpesh shenek baptais shatuh aria Jisas shopunek nenek baptais. Anan nenek baptais jurug aria neyotu nape nenek beten aria iruhw utag ganupok.

²²Aria Iruhin ananin Mishin nyabuhi kabi da arudok armir manyun um nabuhi netem Jisas. Aria shemnek anah mah gani iruhw heven aria enyudok arpen nyeyagwreh iri nyakri, “Nyak douk adur atin Eikin Nuganin. Eik douk urkum manawasham aria yanadudareh abom um nyak.”

²³Abudok nyutob Jisas nohur ananin mour nape neneken obi, ananish kwarahos douk shatogur 30-poreish. Aria arpesh shakri Jisas anan douk Josep nanabuki iri nuganin aka, uwok. Josep ananin yain douk Heli.

²⁴Aria Heli ananin yain Matat. Matat ananin yain Livai. Livai ananin yain Melki. Melki ananin yain Janai. Janai ananin yain Josep.

²⁵Aria Josep ananin yain Matatias. Matatias ananin yain Amos. Amos ananin yain Nahum. Nahum ananin yain Esli. Esli ananin yain Nagai.

²⁶Aria Nagai ananin yain Mat. Mat ananin yain Matatias. Matatias ananin yain Semen. Semen ananin yain Josek. Josek ananin yain Joda.

²⁷Aria Joda ananin yain Joanan. Joanan ananin yain Resa. Resa ananin yain Serubabel. Serubabel ananin yain Sealtiel. Sealtiel ananin yain Neri.

²⁸Aria Neri ananin yain Melki. Melki ananin yain Adi. Adi ananin yain Kosam. Kosam ananin yain Elmadam. Elmadam ananin yain Er.