LUK 3:19-28

¹⁹Herot beyo Provins Galili kutam imi kamok king kale, ilami imdalim iyo kaanin-tem bom-salata, tebe-nala e, imdalim kalel Herodias uyo tagaa kube-nala e minte, kuguup mafak mafak kwiin tagang uyo ke-bom no kem-nuubata, tam Jon iyo Herot imi kuguup mafak uyo kanuma kalaa age-nalata, an-togon daa yege-balata, tam Herot iyo olsak tebebelu e,

²⁰asok kuguup mafak maak ke-nala e, imi un tubulin iyo bogobelata, talta Jon iyo sok de do dep no kalabus am daalip bii-se ko.

²¹Jon iyo sok de dolin-tem bom-silipta, unang tinum kwiin tagang iyo alugum tal Jon imi diim tamip e, Jon ita ok sam uga-e-bom bom-balata, Yesus iyo aaltam tal atam-nala e, Jon imi bogobe-nala e, “Ok sam ugopne o,” agelata, Jon iyo tebe Yesus ok sam ugobelata, Yesus iyo beten kem-salata, abiil tigiin uyo tem kalo kolu e,

²²God imi Sinik Tambal iyo uun abim umi dam ulutap ke-nalata, Yesus imi diim abela e, abiil tigiin kwiit ilota God imi weng kwaala tulu kwek uyo bogo-nala e, “Kabo nimi Man bubul kale, niyo kapmi deng kup taban-bii o,” agela ko.

²³Yesus iyo bii atol ulumi kup 30 umaak ke-nalata, kota imi ogok kufo-nala e, ogok kemsa ko. Alugum unang tinum iyo, “Yesus iyo Josep ilami man ko,” agan-nuubip kuta, God ilami Man kale, Josep iyo Heli imi man e minte,

²⁴Heli iyo Matat imi man, Matat iyo Livai imi man, Livai iyo Melki imi man, Melki iyo Janai imi man, Janai iyo asegim Josep imi man,

²⁵Josep iyo Matatias imi man, Matatias iyo Amos imi man, Amos iyo Naham imi man, Naham iyo Esli imi man, Esli iyo Nagai imi man,

²⁶Nagai iyo Mat imi man, Mat iyo asegim Matatias imi man, Matatias iyo Semen imi man, Semen iyo Josek imi man, Josek iyo Joda imi man,

²⁷Joda iyo Joanan imi man, Joanan iyo Resa imi man, Resa iyo Serubabel imi man, Serubabel iyo Sealtiel imi man, Sealtiel iyo Neri imi man,

²⁸Neri iyo asegim Melki imi man, Melki iyo Adi imi man, Adi iyo Kosam imi man, Kosam iyo Elmadam imi man, Elmadam iyo El imi man,