Lucas 3:19-28

¹⁹Y tama inyajr e Juan ixin tuaꞌ oꞌjron taca e Herodes xeꞌ jax e gobernador tama e departamento Galilea. Pues e Herodes era cꞌapa uchꞌami umuꞌ tuaꞌ aquetpa cocha uwilama. Pues e ixic era ucꞌabꞌa Herodías xeꞌ jax ani uwixcar e Felipe xeꞌ jax uwijtzꞌin e Herodes. Y tamar era e Juan cay ucꞌaye e Herodes, y cay ucꞌaye tama otronteꞌ mabꞌambꞌanir lo que war uche ubꞌan.

²⁰Pero e Herodes uche ubꞌa que machi uyubꞌi, y cay uche otronteꞌ mabꞌambꞌanir xeꞌ más calapir conda uyari e Juan tama e cárcel.

²¹Entonces conda merato oꞌsena e Juan tama e cárcel conda warto uchꞌuyi tunor sian e gente, cꞌotoy e Jesús tuaꞌ achꞌujya ubꞌan. Y conda e Jesús war ucꞌajti taca e Dios pascꞌa ut e qꞌuin tichan,

²²y cay uwira ecmay watar Unawalir e Dios xeꞌ bꞌan uwirnar cocha incojt sacsac mut xeꞌ cꞌotoy turuan tamar, y wacchetaca uyubꞌi inteꞌ nuc xeꞌ tari tichan xeꞌ che cocha era: —Net Niunenet xeꞌ war inyajta oit y xeꞌ war intzay inwiret, che e ojroner xeꞌ tari tut e qꞌuin tichan.

²³Pues cay canseyan e Jesús tama uyojroner e Dios conda utzꞌacse treinta año. Y utata e Jesús era José ucꞌabꞌa, porque uchebꞌe e gente que jax utata. Y utata e José era Elí ucꞌabꞌa,

²⁴y utata e Elí era Matat ucꞌabꞌa, y utata e Matat era Leví ucꞌabꞌa, y utata e Leví era Melqui ucꞌabꞌa, y utata e Melqui era Jana ucꞌabꞌa, y utata e Jana era José ucꞌabꞌa,

²⁵y utata e José era Matatías ucꞌabꞌa, y utata e Matatías era Amós ucꞌabꞌa, y utata e Amós era Nahum ucꞌabꞌa, y utata e Nahum era Esli ucꞌabꞌa, y utata e Esli era Nagai ucꞌabꞌa,

²⁶y utata e Nagai era Maat ucꞌabꞌa, y utata e Maat era Matatías ucꞌabꞌa, y utata e Matatías era Semei ucꞌabꞌa, y utata e Semei era José ucꞌabꞌa, y utata e José era Judá ucꞌabꞌa,

²⁷y utata e Judá era Joana ucꞌabꞌa, y utata e Joana era Resa ucꞌabꞌa, y utata e Resa era Zorobabel ucꞌabꞌa, y utata e Zorobabel era Salatiel ucꞌabꞌa, y utata e Salatiel era Neri ucꞌabꞌa,

²⁸y utata e Neri era Melqui ucꞌabꞌa, y utata e Melqui era Adi ucꞌabꞌa, y utata e Adi era Cosam ucꞌabꞌa, y utata e Cosam era Elmodam ucꞌabꞌa, y utata e Elmodam era Er ucꞌabꞌa,