Luk 3:19-28

¹⁹Ye nɨpɨg a, Herod Antipas rɨmɨkɨr ta Herodias in e piahwaru kape piauni, kɨni mamor narɨmnar rɨpsaah yame rahas. Mərɨg Jon rokrən skai kɨmin tukun.

²⁰Ror pən Herod rɨmnəsɨk əpnis pən mɨn ye norien has kafan mɨvəhsi-pən Jon ye kalabus.

²¹Mərɨg kwasɨg ikɨn Jon rɨvən ye kalabus, kɨni in rɨnamor baptaes ye narmamə, kɨni Yesu mɨn rɨmavən, Jon ror baptaes iran. Kɨni nɨpɨg Yesu rɨmnaməhuak, Kughen rɨmnəhitə ye neai,

²²kɨni Nanmɨn kape Kughen rɨsɨ-faktə meiwaiyu iran, nɨpran rəmhen kɨn mak ye tanə, kɨni nəgkiarien kɨrik rɨsɨ-pən ye rao ye neai mamni mɨmə, “Ik narɨk keikei; rɨkik ragien pɨk tuk ik.”

²³Nɨpɨg Yesu rɨmɨrikakun kafan wok, kafan newk rəmhen kɨn toti. Narmamə khamə ta mə in ji Josef. Kɨni Josef in ji Heli,

²⁴Heli in ji Matat, Matat in ji Livae, Livae in ji Melki, Melki in ji Janae, Janae in ji Josef

²⁵Josef in ji Matatias, Matatias in ji Amos, Amos in ji Neham, Neham in ji Esli, Esli in ji Nangae,

²⁶Nangae in ji Mahat, Mahat in ji Matatias, Matatias in ji Semein, Semein in ji Josek, Josek in ji Joda,

²⁷Joda in ji Joanan, Joanan in ji Resa, Resa in ji Serubabel, Serubabel in ji Sealtiel, Sealtiel in ji Neri,

²⁸Neri in ji Melki, Melki in ji Adi, Adi in ji Kosam, Kosam in ji Elmadam, Elmadam in ji Ere,