Luka 3:19-28

¹⁹Yaya ka jamanatii Herodi jalaki fanan, ka a masɔrɔn a tun da a kɔrɔcɛ muso Herodiyasi mira a la. Yaya ka Herodi jalaki kojuu siyaman dɔ.

²⁰Jalakili wo gbara Herodi la, foo ka Yaya mira ka a bila kaso la. Herodi ka kojuu kɛ wo rɔ, ka wo fanan la a la kojuu tɔilu bɛɛ kan.

²¹Mɔɔilu ye nala sun ji rɔ kanma tuma mɛn na, Isa fanan nara a sun diya ji rɔ. Ka Isa to Alla matarala sun ji rɔ diya ye, sankolo lakara.

²²Alla la Nin Sɛniman ka kanba fari ɲɔɔn ta ka jii Isa kan. Kuma kan do bɔra sankolo rɔ ka a fɔ ko: «N ninkan dencɛ le i ri. I duman n yɛ kosɛbɛ!»

²³Isa bɔra sun ji rɔ diya ka a la baara damira. Wo ka a tɛrɛn a ra san bisawa ɲɔɔn sɔrɔn. Mɔɔilu tɛrɛ a jatela Yusufu dencɛ le ri. Yusufu tɛrɛ Heli den de ri.

²⁴Heli tɛrɛ Matati den de ri. Matati tɛrɛ Lebi den de ri. Lebi tɛrɛ Mɛlɛki den de ri. Mɛlɛki tɛrɛ Janayi den de ri. Janayi tɛrɛ Yusufu den de ri.

²⁵Yusufu tɛrɛ Matatiyasi den de ri. Matatiyasi tɛrɛ Amɔsi den de ri. Amɔsi tɛrɛ Nahɔmu den de ri. Nahɔmu tɛrɛ Esili den de ri. Esili tɛrɛ Nakayi den de ri.

²⁶Nakayi tɛrɛ Maati den de ri. Maati tɛrɛ Matatiyasi den de ri. Matatiyasi tɛrɛ Semi den de ri. Semi tɛrɛ Joseki den de ri. Joseki tɛrɛ Joda den de ri.

²⁷Joda tɛrɛ Jowanan den de ri. Jowanan tɛrɛ Resa den de ri. Resa tɛrɛ Sorobabɛli den de ri. Sorobabɛli tɛrɛ Salatiyɛli den de ri. Salatiyɛli tɛrɛ Nɛri den de ri.

²⁸Nɛri tɛrɛ Mɛlɛki den de ri. Mɛlɛki tɛrɛ Adi den de ri. Adi tɛrɛ Kosamu den de ri. Kosamu tɛrɛ Elimada den de ri. Elimada tɛrɛ Eri den de ri.