Lucas 3:19-28

¹⁹Jasca, chama Herodes pasomaha Juán chanipaoniquë, jahuë noma ahui ja bini iqui na. Jabi jahuë noma ahuini, naa Herodías icanai ca ja bini quiha, jahuë ahui iti. Jasca, huëstima ca yoi ca Herodés ani quiha. Jahuë jabi quiha.

²⁰Jatsi pë preso qui Herodés Juan nanëniquë. Anoma toa joni iniquë ra.

²¹Nohiria tëquë ashimahacayoquë tsi quiha Jesu ashimahacaniquë jaa ri. Bëhoxjano tsi quiha nai japëquëniquë.

²²Jatsi ja qui Espíritu Santo botëniquë; boto jisiria ja nori. Jatsi, —Noho Baquë yoi xo mia. Mia noiquia. Ea ranihuaqui mia ra —i quiha naipá ca joi niquë.

²³Jabi treinta año bo quiha Jesú jayaniquë, jahuë yonoco ja chitahëhuaquë no. Jabi José baquë ja nori ca quëscahua nohiria bá huaniquë.

²⁴José jahëpa Elí iniquë. Elí jahëpa Matat iniquë. Matat jahëpa Leví iniquë. Leví jahëpa Melqui iniquë. Melqui jahëpa Jana iniquë. Jana jahëpa José iniquë.

²⁵José jahëpa Matatías iniquë. Matatías jahëpa Amós iniquë. Amós jahëpa Nahum iniquë. Nahum jahëpa Esli iniquë. Esli jahëpa Nagai iniquë.

²⁶Nagai jahëpa Maat iniquë. Maat jahëpa Matatías iniquë. Matatías jahëpa Semei iniquë. Semei jahëpa José iniquë. José jahëpa Judá iniquë.

²⁷Judá jahëpa Joana iniquë. Joana jahëpa Resa iniquë. Resa jahëpa Zorobabel iniquë. Zorobabel jahëpa Salatiel iniquë. Salatiel jahëpa Neri iniquë.

²⁸Neri jahëpa Melqui iniquë. Melqui jahëpa Adi iniquë. Adi jahëpa Cosam iniquë. Cosam jahëpa Elmodam iniquë. Elmodam jahëpa Er iniquë.