Lukase 3:19-28

¹⁹Po bei Yohanese ibeteke loko kamale Herodese be imise mo le ikai saui yo kwalini mata mosa kai eni neune makete lekwe

²⁰hoko kamale mere iono neune rame kena ikusue Yohanese kena bui.

²¹Kena Yohanese ikusu bui mosare tamata bokala esi supu baptise bei Yohanese peneka, eleki Yohanese ibaptise Yesuse. Eleki kena Yesuse Ikotie loko Tuhane, lanite baeke,

²²kai Ro Misete Irulu lokoI selu saka manu abune. Eleki Tuhane Ilepa loko Yesuse bei ndete lanite be, “Ale Auku Anae, Au nete lokoMu, laleKu ndina le Ale.”

²³Kena Yesuse Ikerike menai loko Eni makerike, Eni musuna butu telu. Tamata esi noake be Eni amai kena Yusupe, Yusupe amai kena Eli,

²⁴Eli amai kena Matate, Matate amai kena Lewi, Lewi amai kena Malki, Malki amai kena Yanai, Yanai amai kena Yusupe,

²⁵Yusupe amai kena Matika, Matika amai kena Amose, Amose amai kena Nahume, Nahume amai kena Hesli, Hesli amai kena Nagai,

²⁶Nagai amai kena Maate, Maate amai kena Matika, Matika amai kena Simei, Simei amai kena Yoseka, Yoseka amai kena Yoda,

²⁷Yoda amai kena Yohanane, Yohanane amai kena Resa, Resa amai kena Serubabele, Serubabele amai kena Sealtiele, Sealtiele amai kena Neri,

²⁸Neri amai kena Malki, Malki amai kena Adi, Adi amai kena Kosame, Kosame amai kena Elmadame, Elmadame amai kena Ere,