Lucas 3:19-28

¹⁹Ta paglaygay Juan, pakuntra din malain na buat Herodes na manugdumala ta Galilea tak Herodes ya, pasawa din Herodias bisan magbayaw danen an daw tenged man ta duma pa na buat Herodes na malain.

²⁰Piro, gadugang pa gid sala Herodes tak papriso din Juan ya.

²¹Na ula pa napriso Juan daw gabautismo pa kanen ta mga ittaw, Jesus i gapabautismo man ki kanen. Pagtapos ta bautismo, gapangamuyo Jesus i daw gabukas langit an.

²²Dyos Ispiritu Santo an na daw lagen paryo ta salampati gapababa naan ki kanen. May namatian na gambal na naan ta langit, “Kaon ake na bata na palangga ko. Nalipay a gid ki kaon.”

²³Na Jesus i gaidad ta mga trinta anyos, gumpisa kanen ta iya na mga ubra. Isip ta mga ittaw na kanen i bata Jose. Jose an bata Eli

²⁴na iya na amay Matat, Matat an bata Levi na iya na amay Melqui, Melqui an bata Janai na iya na amay Jose,

²⁵Jose an bata Matatias na iya na amay Amos, Amos an bata Nahum na iya na amay Esli, Esli an bata Nagai

²⁶na iya na amay Maat, Maat an bata Matatias na iya na amay Semei, Semei an bata Jose na iya na amay Joda,

²⁷Joda an bata Joanan na iya na amay Resa, Resa an bata Zorobabel na iya na amay Salatiel, Salatiel an bata Neri

²⁸na iya na amay Melqui, Melqui an bata Adi na iya na amay Cosam, Cosam an bata Elmadam na iya na amay Er,