LUKAS 3:19-28

¹⁹Ẕwan' bdiḻ diže'e Herodes, benne' wnná bia', dan' zóaḻene' Herodías, ẕo'le Lip, benne' biche'e, na' dan' žone' da' zan da' kegle.

²⁰Naž ben Herodes na' to da' kegle da' ẕenže, bsejwe' Ẕwan' liž ya.

²¹Kate' ža ka' kate' bi na' nyejw Ẕwan' liž ya, na' žezóe' benách ka' nis, ḻezka' bezóe' Jesusen' nis. Kate' Jesusen' ne ẕcháḻjḻene' Dios, wyaljw ya'abá,

²²na' bḻa' ḻaw Dios Be' La'y. Ẕnne'e ka to plomdo', bian' betjba', na' bžinba' gan zoa Jesusen'. Benle' chi'i to Benne' ẕchaḻje' ya'abá che Dios, na' wnné': —Le' nako' Ẕi'na'. Nži'ila' Le', na' žaz ḻaža'a Le'.

²³Katen' Jesusen' wzó ḻawe' žone' x̱chin Dios, zeje' Ḻe' ka chi žoa yiz. Žékgekle benách nake' ẕi'n Jwsé. Jesusen' nake' ẕa'só Elí. Bennen' nake' x̱a Lia, x̱na' Jesusen'.

²⁴Elí na' goke' ẕi'n Matat. Bennen' goke' ẕi'n Lebí. Bennen' goke' ẕi'n Melki. Bennen' goke' ẕi'n Jana. Bennen' goke' ẕi'n yetó Jwsé.

²⁵Jwsé ni goke' ẕi'n Matatías. Bennen' goke' ẕi'n Amós. Bennen' goke' ẕi'n Nahum. Bennen' goke' ẕi'n Esli. Bennen' goke' ẕi'n Nagai.

²⁶Nagai na' goke' ẕi'n Maat. Bennen' goke' ẕi'n yetó Matatías. Bennen' goke' ẕi'n Semei. Bennen' goke' ẕi'n yetó Jwsé. Bennen' goke' ẕi'n Judá.

²⁷Judá na' goke' ẕi'n Joana. Bennen' goke' ẕi'n Resa. Bennen' goke' ẕi'n Sorobabel. Bennen' goke' ẕi'n Salatiel. Bennen' goke' ẕi'n Neri.

²⁸Neri na' goke' ẕi'n yetó Melki. Bennen' goke' ẕi'n Adi. Bennen' goke' ẕi'n Kosam. Bennen' goke' ẕi'n Elmodam. Bennen' goke' ẕi'n Er.