Luka 3:19-28

¹⁹Jaŋe jazahuc ŋicwofuŋ Herode e iŋuc jaha mumu hehec ecnewec. E ɋaticnere ŋonâŋ, ʒâŋene Herodia, jâoc rowec â sindaŋ gâcne wâc ewec.

²⁰Eme irec fainao qizecne sâko ehuc Johane kâpâcwâru ficko râewec.

²¹Ŋic bocjaha Johanerao fisirâ Miti Opâ ruahapie Jesu e iŋuc jaha rârâ ruawec. Ruarâ numuhame sambâŋ aŋkeme

²²Tiri Mârozi sahac fârihec erâ hâpâ hawario ere faio wahawec. Ehame sambâŋkonec dâŋ ʒiŋuc wahawec: “Joroc Ŋokâ biaŋ‐nane, go hone aŋac agareekopac.”

²³Jesu e jara‐ticne 30 qâririŋ bazurâ gie‐ticne fuŋkewec. Eme ŋic jaŋe ere manapie Josefere ŋokâ ewec. Josefe e Elire ɋâric,

²⁴e Matatare ɋâric, e Lewire ɋâric, Lewi e Melikire ɋâric, e Janaire ɋâric, e Josefere ɋâric,

²⁵e Matatiare ɋâric, e Amosire ɋâric, e Nahumte ɋâric, e Esilire ɋâric, e Nagaire ɋâric,

²⁶e Maatare ɋâric, e Matatiare ɋâric, e Semeiŋte ɋâric, e Josecte ɋâric, e Jodare ɋâric,

²⁷e Johanaŋte ɋâric, e Resare ɋâric, e Serubabere ɋâric, e Sealitiere ɋâric, e Nerire ɋâric,

²⁸e Melikire ɋâric, e Adire ɋâric, e Kosamte ɋâric, e Elimadamte ɋâric, e Erere ɋâric,