Luk 3:19-28

¹⁹Ana yar tai pe kekaran re nena Yoane, nane P̃arin Sup̃e Erot, komin Yoane sum̃a pis ke pania vanon nap̃a naga p̃erelua sira nene Lerotias, nap̃a wona wenla, a pis pania vanon sur tap̃ena m̃ena lap̃asia nap̃a naga kila.

²⁰Ana metavan kiena napiowaena tap̃ena lala, Erot sinen kar Yoane pano-o, sum̃al narui koven pa e yum̃a naloge viowaena.

²¹Ana pogos nap̃a Yoane pe pa re e yum̃a naloge viowaena poli wa, naga kee m̃a yeririna la pano-o, ana pog tai Yesu m̃ena pimi e yo nene, ana Yoane kee m̃ena naga. Ana pogos nap̃a Yesu molue e wii, sum̃a mlen m̃aga, ana veraga ga sinapane pike,

²²a Ninuna ne Ntewa pimi pe tasa, mom̃a pitomi tano sane lom̃e tai, pitomi pran ea. Ana Ntewa pis ma e peni pitomi pania, pisape “Ko Naruu nene, nap̃a nepinaia ko pap̃isi. Kiau sitomena sike ga e ko, nekekaran ko pap̃isi.”

²³Ana siraun nap̃a Yoane kee Yesu, ana naga siar kiena yum̃aena narui, a e poglis nene, naga kiena kas la tol lualima telu. A lus nap̃a Yesu molue komea, e lepas na yerm̃ene, siar e Yosop, nap̃a apisu sane arimanane Yesu, pa sanini: Yosop, naga narina ne Eli;

²⁴Eli, naga narina ne M̃atat; M̃atat, naga narina ne Livae; Livae, naga narina ne Melki; Melki, naga narina ne Sanae; Sanae, naga narina ne Yosop;

²⁵Yosop, naga narina ne M̃atateas; M̃atateas, naga narina ne Amos; Amos, naga narina ne Neam; Neam, naga narina ne Esli; Esli, naga narina ne Nagae;

²⁶Nagae, naga narina ne M̃at; M̃at, naga narina ne M̃atateas; M̃atateas, naga narina ne Semein; Semein, naga narina ne Sosek; Sosek naga narina ne Sot;,

²⁷Sota, naga narina ne Soanan; Soanan, naga narina ne Resa; Resa, naga narina ne Serup̃apel; Serup̃apel, naga narina ne Saltiel; Saltiel, naga narina ne Neri;

²⁸Neri, naga narina ne Melki; Melki, naga narina ne Ati; Ati, naga narina ne Kosam; Kosam, naga narina ne Elm̃atam; Elm̃atam, naga narina ne Ere;