Levii buiↄ 5:13-19

¹³Màa sa'ona ali aà duuna kɛ̃wà yã́piↄ do pↄ́ a kɛ̀ musu, Dii i sùuukɛaànↄ. Pↄ́wɛnti pↄ́ gↄ̃̀ líↄ dɛ sa'ona pↄ́ ũ lán pↄ́wɛn gbawa.

¹⁴Dii yã'ò Mↄiziɛ, ↄ̃ Mↄizi mɛ̀:

¹⁵Tó gbɛ̃́ náaisaiyãkɛ̀, à zã̀ yã́wa Dii gbaa pↄ́ yã́ musu, duunaɛ. Aàli mↄ́ Diiɛ ń sãsakao sãasaio a fĩabobↄ ũ. Tàae fĩabobↄpi ↄ̃a lí ká, lá wà a lɛ́ dìlɛ Dii kpɛ́uwa.

¹⁶Aàli pↄ́ pↄ́ i Dii gbao fĩaboɛ̀, i ɛa à a ↄ̃a sↄode nawà, i kpa sa'onawa, sa'onapi i aà tàae kɛ̃wà, Dii i sùuukɛaànↄ.

¹⁷Tó gbɛ̃́ duunakɛ̀, à yã́ pↄ́ Dii gì a kɛai kɛ̀, baa tó a dↄ̃o, tàaeɛ, a wi aà musuɛ.

¹⁸Aàli mↄ́ sa'onaɛ ń sãsakao sãasaio tàae fĩabobↄ ↄ̃a lɛ́u, sa'onapi i yã́ pↄ́ à zã̀wà a dↄ̃opi kɛ̃wà, Dii i sùuukɛaànↄ.

¹⁹Tàae pↄ́ a kɛ̀ Diiɛ fĩabobↄɛ.