1Mɑ tɑɑpɑlɑɑ, ye nɔɣɔlʋ ɩ́ pǝntɑ nɑtǝlɩ, mɛ mpɑ ɩ́ tǝŋǝɣɩ Ɩsɔ Feesuɣu kɛ teu tɔ ɩ́ mǝŋnɑ pʋntʋ kɛ mpɑɑʋ kʋpɑŋkʋ tɑɑ nɑ ɩ́ lɑpɩ-ɩ tǝpɑmm. Mɑ tɑsǝɣɩ-mɛɣɛ sɛɣɛsʋɣʋ sɩ pɑɑ mǝ tɑɑ wei ɩ́ feŋ ɩ tɩ nɑ ɩ́lɛ́ ɩ́ tɑɑ kɔɔ nɑ ɩ́ tɑsɑ mɑɣɑsʋɣʋ tɑɑ kɛ́ hotuɣu tɔtɔ.
2Ɩ́ sǝŋnɑ tǝmɑɣɑ mǝ kʋpɛkǝlǝmnɑɑ tɑɑ. Ye ɩ́ lɑpɑ mpʋ ɩ yoosɑ Kilisiti kʋsǝsɩɩtʋ tǝnɑ ntɛ́.
3Ye yʋlʋ hɔŋ ɩ tɩ, pǝyele ɩ tɑ tɑlɑ pʋlʋ, pʋntʋ puɣusiɣi ɩ tǝɣɩ.
4Ye wei ɩ cɑɑ ɩ́ yɔɔlǝnɑ ɩ yɑɑsi teu nyǝŋ pʋntʋ ɩ́ tɑɑ tʋʋ lɛlɑɑ nɑ ɩ́ sɑ ɩ tǝɣɩ yem. Amɑ ɩ́ wiili ɩ mɑɣɑmɑɣɑ ɩ yɑɑsi tɑɑ nɑ ye pǝ nǝɣǝsǝnɑ yɔɔlʋɣʋ ɩlɛ ɩ yɔɔlɩ.
5Pǝ tɑɣɑ pʋlʋ tɔɔ, pɑɑ wei ɩ kʋlɑpʋtʋ mǝlǝɣɩ ɩ nyʋɣʋ tɑɑ kɛ́.
6Ye nɔɣɔlʋ sɛɣɛsǝɣɩ wei kɛ́ Ɩsɔ Tɔm pʋntʋ ɩ́ cosiɣi ɩ wɛnɑʋ tǝnɑ tɑɑ nɑ ɩ́ hɑɑkɩ ɩ sɛɣɛsǝlʋ ɩnɩ.
7Hei ɩ tɑɑ puɣusi mǝ tɩ yoo, pɑɑ nyǝnǝɣɩ Ɩsɔ kɛ́ yem fɑ. Yʋlʋ ɩ́ tuu mpi mpǝɣɩ ɩ kʋŋ.
8Ye yʋlʋwɛɛtʋ kʋnyɩɩlǝm kɛ ɩ tǝŋɑɑ nɑ ɩ́ tuu, yʋlʋwɛɛtʋ ntɩ tɩɩ yelinɑ nɑ ɩ́ kɔɔ ɩ́ kʋ sǝm. Amɑ ye mpi Ɩsɔ Feesuɣu cɑɑkɩ tɔɣɔ ɩ tǝŋɑɑ nɑ ɩ́ tuu, kʋlɛ kɩɩ yelinɑ nɑ ɩ́ kɔɔ ɩ́ kʋ weesuɣu ŋku kɩɩ tɛŋ tɔ.
9Tǝ́ tɑɑ lɑ felentu nɑ kʋpɑntʋ lɑpʋ. Pǝ tɑɣɑ pʋlʋ tɔɔ, ye tǝ tɑ lɔ tɑ́ ɑpɑlʋtʋ hɑlǝnɑ pǝ́ tɑlɑ pǝ wɑɑtʋ mpi tɩɩ kʋ tɔ pɩɩ tɔɔ sɔsɔm.
10Pǝ tɔɔ kɛ́ ye tǝ hikɑ mpɑɑ kɛ timpi tǝ́ lɑ yǝlɑɑ tǝnɑɣɑ kʋpɑntʋ. Ɩlɛ pǝ́ kǝlǝnɑ tɑ́ nɑ mpɑ tǝ kɑɑ Ɩsɔ sɛɛʋ tɔ.
11Tɔʋ, ɩ́ nɑ́ ɩsǝnɑ mɑ ŋmɑɑkɩ-mɛ nɑ mɑ mɑɣɑmɑɣɑ mɑ niŋ kɛ cǝnɛ nɑ ŋmɑɑtʋ pee kʋyɑsǝlɛɛ tɔ.
12Mpɑ pɑ yɔɔlǝɣǝnɑ tɔɔ nyǝm nɑ pɑ́ cɑɑ yǝlɑɑ ɩ́ sɑ-wɛ tɔ mpɛ pɑ cɑɑnɑ sɩ pɑ́ cɑɑlɩ-mɛ nɑ ɩ́ pɛlɩ. Ɩlɛ pɑɑ cɑɑ sɩ pɑ́ tʋ-wɛɣɛ kʋnyɔmǝŋ kɛ Kilisiti sǝm tesikɑ tɔm tɔɔ tɔɣɔ.
13Yǝlɑɑ mpɑ ɩnɩ pɑ pɛlǝɣɩ mpʋ tɔ pɑɑ tǝŋǝɣɩ kʋsǝsɩɩtʋ se. Amɑ pɑ cɑɑ kɛ́ sɩ ye mɩɩ nɩɩnɑ-wɛ nɑ ɩ́ pɛlɩ ɩlɛ pɑ sɑ pɑ tɩ sɩ mpɛ pɑ yelinɑ ɩ́ kɔtɑ mǝ tɔnʋɣʋ tɔɔ kɛ́ kʋkɔtǝm pǝnɛ.
14Mɑ ɩlɛ ye pǝ tɑɣɑ Yesu Kilisiti sǝm tesikɑ mɑ kɑɑ yɔɔlǝnɑ pʋlʋ. Tesikɑ ŋkɛ kɑ tɔɔ kɛ́ mɑ́ nɑ ɑntulinyɑ tǝ fɑɣɑnɑ tǝmɑ tǝkpɑtɑkpɑtɑ nɑ lɛlʋ tɑ nyɩ sɩ lɛlʋ wɛɛ.
15Pɑɑ n pɛlɑɑ pɑɑ n tɑ pɛlɩ pǝ lɩɩ kʋlʋm kɛ́. Amɑ nti tǝ wɛɛ tɔɣɔlɛ sɩ ń lɑɣɑsɩ nɑ ń pǝsɩ yʋlʋ kʋfɑlʋ.
16Mpɑ pɑɑ tɛlǝsǝɣɩ pɛlʋɣʋ tɔm kɛ lɔlɔ kɛ pɑ weesuɣu tɑɑ tɔ mɑ kooliɣi kɛ́ sɩ Ɩsɔ ɩ́ hɑ pɑ tǝnɑɣɑ ɑlɑɑfǝyɑ nɑ ɩ́ lɑ-wɛɣɛ kʋpɑntʋ nɑ ɩ́ kpɛnnɑ ɩ yǝlɑɑ sɑmɑɑ tǝnɑ tǝpɑɩ nɑ ɩ́ lɑ mpʋ.
17Pǝ kɑɑsʋɣʋ tɔ, nɔɣɔlʋ ɩ́ tɑɑ tɑsɑ-m wɑhɑlɑ tʋɣʋ tɔtɔ. Pǝ tɑɣɑ pʋlʋ tɔɔ, tɔntɔɔlǝŋ wei ɩ wɛ mɑ tɔɔ ɩsǝntɔ tɔ ɩ hʋ́lǝ́ɣɩ́ kpɑkpɑɑ kɛ́ sɩ mɑ kɛ́ Yesu yom.
18Mɑ tɑɑpɑlɑɑ mɛ Tɑcɑɑ Yesu Kilisiti ɩ́ hʋ́lɩ́ mǝ tǝnɑɣɑ pɛɛlɛɛ. Ami.
