Joshua 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Ma Lord te bosa vania Joshua,

²“Taeni ko bosavanira rana dale Israel gekara vilighi na le komuni vatei polo, te vaghaa tu bosaa vania tua Moses.

³Ma ge ahei ke tovongo matea ahea ke mua ghanaghanaa geke matea ahei ke mua ghanaghanaa gee matea ke, ke sama me ke va polo ta sakai tadira na komu rini. Na pukuna na lei kulana ahe te mate kara kenea gekara matea tughuna kuladira.

⁴Mi tana bona ke sama va ta sakai tadira na lei komu raini, gaia ke tughuru tana mataulana na komu me ke bosatatea vanira na lei kamanagho tana komu na hava te goni hahia. Ma gaira kara lavi haghea tana komu, makara vahea na bona ke kabu ga, me ke kabu kolura.

⁵Me ke vaghaa na lei kulana aheai te mate kara mai makara lavitughuna kuladira te mate, na lei kamanagho tana komu keri kara bei lubatia vanira, na pukuna te mu ghanaghana geke matea.

⁶Mana tinoni tematea ahei ke kabu tana komu keri, me ke tughuru inaghona na vuresubo makara dete tatavahalea. Vaho gaia ke bosatatea te tatavahalea. Vao gaia ke bosatatea te tatavahole, na pukuna te mua ghanaghana geke matea na tinoni keri, me ke tona haliu na kabu tana komu keri koekobe ke mate na Priest kamanagho te detea na tinoni keri. Mi murina ker, vaho geke oli tatavahale tana komuna.

⁷Mana lei komu sule tara vilighi na vatei sogha polo t vaghai raini i Kdesh ni Galilee, tana ghotu n Naphtali; Sechem, tna ghotu ni Ephraim; mi Kiriath-Arba (gaia keri Hebron itaeni), tana ghotu ni Judah.

⁸Mi paleva iuluna na Tina Jordan lilighina Jericho, nakomu tara vilighi ga na vatei soga polo: Bezer tana bona aroha tana nanata tana kemanaGad, mi Golan i Basan, na pari tana kemana Manasseh.

⁹Na kmu raini tara vili kehai vanira rana Israel, ma vanira ghua rana singho tara kabu kolu itadira. Ge ahei ke tovngo labu matea ahei ke sogha me ke va polo tana lei komu raii. Mi tana halautu eni eni, gaira kara soga gekara bei matera gea, makara va diki tughuru ghua tana dete inaghona na vuresubo.