Iosua 6:21-26

²¹Ginauri gamagaridi eanua eai se hebaaeadi, tau eo sine, hevahevari, eo tautaubada, bulumakau, eo mamoe, eo asina se lauelepaidi.

²²Iosua tatao‐labui va nabada oea va se itasipoi, i heribadi i ene, Au avasae sine baaea va ena numa eai, sine va, eo ena ginauri gamagaridi au woealaei murimuri eai, doha ia arinai au aigorao.

²³Hevahevari va, tauitasipo, se avasae numa alona eai Rahaba se woealaei murimuri eai: eo tamana, eo sinana hinage, eo rounaeao, eo ena ginauri gamagaridi, helena taumia gamagaridi se woealaedi murimuri eai, Isaraela edi aba mia murina eai se toredi.

²⁴Eanua va oeagi alaalasina eai se gabu, eo ginauri gamagaridi boeana eai: ario, eo auro, eo barasi, eo poasi kaputi, Guiau ena numa aba peina eai se toredi.

²⁵Iosua Rahaba, sine baaea, i abihemauri, tamana ena numa tataodi hinage, eo ena ginauri gamagaridi, Isaraela aridi eai ie mia i laoma, i laoma, e, teina asubena eai ta, paana tauitasipo Iosua i hetamaridi Ieriko bena se itasipoi, i toreamuidi.

²⁶Nei huiana ne Iosua i lauhesomdi i ene, Ena tau esau maraitom asubena teina eanua, Ieriko, i abiuio, Guiau matana eai tau va abo i baaea, numa paadi i ginauri abo natuna taubaguna i taueamui, hinage dobila gududi i toredi natuna taumurita abo i taueamui.