Iosua 6:21-26

²¹Ri rabalaki lobo e huriki a tahotanga na bainat. Ri rabalaki lobo e huriki a bakovi, a ngatavine, a koma, a gare, a maka bulmakau, a sipsip, a donki.

²²Lakea e Iosua i taki ra bakovi ru valai muga ru kasisi a tanga dagi, i ta maea, “Muru dili na ruma na ngoi, muru tuli vilia turana a kabu vona, ge manga a nita muru ta muholi vona.”

²³Lakea ru dili, ru tuli pori vilia e Rahap turana e tamana, e kinana, e huriki e kurabana, e huriki a vora vona. Ru bole ria ri vakamade tabukoi na mada ne huriki a Israel.

²⁴Muri ri rungania a tanga dagi turana a maki lobo ri tabuli pololilo vona. Pali e huriki a Israel ri bole a maka maki kamumu na tanga dagi, ri ru na tava na roho ne BAKOVI DAGI.

²⁵E Iosua i uka ma i rabalakia e Rahap turana a kabu vona, a vuhuna e Rahap i ruhulolo a kasisi nga na tahuna ru dili o Ieriko ru matai panahoa. Re huriki a hamone Rahap ri made turane huriki a Israel i valai i harena mona.

²⁶Lakea e Iosua i habi tora a ngava ne huriki, i ta maea, “A bakovi tara ge rata tabua a tanga dagi e Ieriko, e BAKOVI DAGI bara i habi a vuranga vona: Na tahuna i tubu ni rata a leho na tanga dagi iea, e tuna bakovi a tabua bara i mate. Na tahuna i rata a maka nihebi dagi na tanga dagi e tuna a kabina ruru bara i mate.”