JOSUA 6:21-26

²¹Ehuc ŋic ŋokac naru motec, lama bulimakao, â doŋgi, erâ wiacte wiac sasawa i ʒikazi omaec‐jopambiŋ.

²²Eme ŋic mâreŋ hone tâcnepic jahe Josuazi ʒiŋuc jasawec: “Sasec ŋokac mupaŋkecnepic irec sâcko ficticnao ferâ ŋokac e jahacne â wiacfâc‐ticne jowac‐jopa warenic.”

²³Eme ruc bapa ŋic jahe ficko ferâ Rahaba e jahacne, neŋgoc mamac jahecne â hahac ɋafâcne, erâ soctofafâc‐ticne sasawa jowac‐jopa waharâ Israe teuŋ râpenao râec‐jopambiŋ.

²⁴Ehuc hae mecne â irec maŋnao wiac sasawa fowec i mecne ʒoczi turuŋkepie ʒâseŋkewec. Siliwa â gol erâ aeŋ â aeŋ bâbâroŋzi kuʒi bakicne i sawa ine ropie Wofuŋte kânoŋko huwec.

²⁵Eme sasec ŋokac Rahaba e jahacne â wiacfâc‐ticne sasawa jaŋe Josuazi ŋic jajahec Jeriko hae hone tâcnenicte sorec‐jofame rapire soŋjofawecte akic‐jopambiŋ. Eme jaŋe Israe guruo jumbiŋzi juŋgopieŋ.

²⁶Dameŋ ira Josuazi ŋic ŋokac ejareme Wofuŋte maio ʒiŋuc mupaŋkembiŋ: “Ŋic moczi faharerâ Jeriko hae ʒi mocwâc heɋârerâ baocmuo ine Wofuŋtaonec okacne ʒiŋuczi ere faio fezejec: Wâtuŋ ŋokacne râeme hume mârâc ŋokâ‐ticnezi hâmozejec. Â batarahuc motâc âkendâŋneme ʒâhec ŋokâ‐ticnezi hâmozejec!”