Iosua 18

1

2

3

4

5

6

7

8

9

10

11

12

13

14

15

17

18

19

20

21

22

23

24

¹Isaraela nanatunaeao moutuadi lailai maudoudoina Siloa eai se oigogo, numa bahebaheusi edi aba oigogo se hetoro. Oea va tataodi matadi eai se heiluedi.

²Isaraela nanatunaeao boga haligigi‐labui sora edi tano nige se soiedi.

³Iosua i ribalau Isaraela nanatunaeao aridi eai i ene, i lau e huia esana, emi beruberu abo i lautom, abo au lau tano au abi, Guiau tamamiueao edi Eaubada i reava va?

⁴Hari boga, hari boga, tatao haiona, haiona, au hineridi, abo ea hetamaridi, se torohai se lau oea va se dioi, abo se soi gonogonoadi, e abo se uioma arigu eai.

⁵Abo se soi haligigi‐labui: Iuda abo se miahai geregere eai teha eavana eai, boga Iosepa abo se miahai teha bauri eai.

⁶Oea va abo au soi, haligigi‐labui, sigasigadi va abo au heribagu, Guiau emi Eaubada matana eai, enamiu abo ta hekelero.

⁷Boga Levi mo nige edi tano, isi Guiau ena kohena eai se lau: eo Gada eo Reubena, eo Manasa tupona, enadi se abieao tupo aruabo eai, Ioridano hari teha eai, doha Mose Guiau ena heaheari, i mosedi.

⁸Tatao va abo se torohai, se lau, Iosua i lauhesomdi i ene, tano sigasigadi au uridi, au lau tano au taudadai, au uri, abo au uioma arigu eai, Guiau matana eai Siloa eai enamiu abo ea hekelero.

⁹Tatao va se lau oea va se taudadai, buka eai eanua haligigi‐labui se uridi, abo se uioma Iosua arinai, Siloa eai.

¹⁰Guiau matana eai Iosua i hekelero, arinai Iosua tano i soi Isaraela nanatunaeao enadi.

¹¹Beniamina edi kelero se abi edi tano sigasigadi se uri komakomanidi, eo edi eanua headi hinage.