Genesis 2:7-22

⁷Ma Bada God doa pokauna i vaia ma oroto i voai ma lavutu lawalawaina au giaganana i uveni ma oroto i lawana.

⁸Ma Bada God peipei Eden i paewi au maramatanei ma kampa orotona i vivitupuia i terei da i mae.

⁹Ma Bada God ai inanana aiaina ma uana amna aiaina anatapui i paewi ma peipei au pouna ai vinevinei ruaḡa i gogo. Ai tagogi uana lamna lawana tauvereina ma ai ḡelauna uana lamna nota rava ina verei da metauna aiaina ma metauna apoapoena.

¹⁵Ma Bada God oroto au peipei Eden i terei da ita nolei ma ita paini.

¹⁶Ma Bada God riwa bagibaginei i riwei i pa, “Ai uana anatapui au peipei am ḡoanei ma ani.

¹⁷Wate a viviḡaem da nota aiaii ma nota apoapoei aina uana eḡa ma ani! Mepa da u ani, tam nai au marana ma iraḡe!”

¹⁸ Bada God i riwa i pa, “Oroto ainelana e mamae ma lamna eḡa ita ai. Ana tauagu ana kauei da ina voagui.”

¹⁹Ma Bada God doa pokauna i vaia ma ḡamoḡamo anatapui ma kiu anatapui i kauei. Ma taui i neiai oroto awarina da ita viwavai. Ma oroto aiwai i viwavai, nanare ai wava i mae.

²⁰Ma oroto kiu ma ḡamoḡamo maramaraḡamai ma moduei, wava i verei. Wate Adam eḡa ana tauagu ita nelaḡai da ita voagui.

²¹Ma Bada God oroto i kauei da i matave ma maranaina i raunuavuru kaua, torotorona tagogi i votawanei ma vioa i pota-melei ana au gabu.

²²Ma Bada God oroto torotoronei wavine i kauei ma wavinena i neiai oroto awarina.