Genesis 39

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹Dam mai Ishmael Joseph i ḡairei au Egypt, ma Potiphar tauna i gimarai da ana taunola. Potiphar tauna Egyptei ma sorodia ai bada ḡaeḡaena.

²Bada Joseph i mae-ratui ma i voagui da anatapuna aiaina i kaukauei ana bada aubaina. Tauna Potiphar ana au numa i mae.

³Potiphar i ʼnanai da Bada Joseph i mae-ratui ma i voagui da aiwai anatapuna i kauana-kauei,

⁴ma wei Potiphar i vinuaiaiei ma Joseph i terei da tauna aubaina ina nola, ma ana taunola numa au orana, ma ana purapura anatapuna ina vibadei.

⁵Nai marana da i nenai, Joseph awarinei ma Bada Potiphar ana numa orana ravai ma ana purapura anatapui au numa ma ana au wapu i viaiaini.

⁶Anina ma Joseph vaivai i verei da Potiphar ana purapura anatapui i paini, ma ana bada ana nola da am ava ina paipaini.Joseph i tupua da karawata ma inanana aiaina.

⁷Kampa eḡa ita mae-pora ma ana bada awana Joseph i ʼnana rauoḡarei ma i riwei i pa, “Ma nei tana matave.”

⁸Wate Joseph i geduai ma wavine i riwei i pa, “Ma i ʼnana, tau au bada weka i tereu da a vivipaipai ma lamna aubaina tauna eḡa aiwai numa au orana ina vinuabolei. Tauna ana purapura anatapuna au urau i terei.

⁹Tau au rewapana wei au numana nanare tauna, ma eḡa aiwai ita nuanei anina tam ainelam. Menanare da kaua apoapoena ana kauei da God au matana au ḡoa ina apoapoe.”

¹⁰Wavine marana patapatai Joseph i rarauelari da maiteni ita matave, wate Joseph i gedugeduai ma i nene-tawanei.

¹¹Mara tagogi Joseph i nae au numa da ita nola, ma kampa eḡa taunola ḡelaui.

¹²Ma Potiphar awana i nae ma Joseph ana au kareko i voa ma i riwa i pa, “Ma nei tana matave!” Wate Joseph i ruba-opu au doa ma kareko wavine au urana i voterei.

¹³Wavine i ʼnanai da Joseph i ruba-opu ma ana gara au urana i voterei,

¹⁴ma wavine ana taunola i kwatuei da i nei ma i riwa i pa, “Weka ona inana! Wei Hebreweina awau i neiai awarita, i vinameta. I nei awariu ma i ḡoei da ita viawawaneu wate tau garara a vikarei.

¹⁵Ma i nonori a garagarara ma i ruba-opu ma ana kareko i ruba-tawanei.”

¹⁶Ma wavine kareko i paini da awana i nememei au numa.

¹⁷Ma wavine riwana tagogina awana i riwei i pa, “Wei Hebreweina tam u neiai awarita, i vinameta. I nei ma i ḡoei da ita viawawaneu.

¹⁸Wate maranaina a garagarara, tauna i ruba-opu ma ana kareko au ririvau i voterei.”

¹⁹ Potiphar awana ana babana i nonori ma amlona i ḡaiḡai kaua.

²⁰Anina ma tauna Joseph i vaia ma panipani au numana i tawana-ruiei, mepa gulau ana panipani e mamae ma kampa i mae.Maranai Joseph au panipani-numana

²¹Bada Joseph i mae-ratui ma i viaiaini, lamna aubaina da panipani taupainina Joseph i vinuaiaiei.

²²Ma tauna Joseph i terei da panipani ravai ita vibadei ma nola au urana i terei.

²³Panipani taupainina ana nuabola eḡa aiwai, aubaina Joseph aiwai anatapuna i paipaini. Ma Bada tauna i mae-ratui ma i voagui da aiwai anatapuna i kauana-kauei.