Genesis 15

1

2

3

4

6

7

8

9

11

12

13

14

15

16

17

18

19

21

22

25

26

28

35

37

39

40

41

42

45

46

48

49

50

¹Ma muriai Bada Abram ana au rauboni i riwei i pa, “Abram eḡa ma rovo. Tau am taugagalo am pulo ḡaeḡaena.”

²Ma Abram i paribelei i pa, “Oo Bada God. Tau eḡa natunatu, ma am pulo eḡa ina voaguiu. Tam eḡa natu orotona uta vereu ma lamna aubaina au iraḡe au murina, Eleasar au taunola Damaskasei au vigulau ina vaia.”

⁴Anina ma Bada i riwana-melei i pa, “Eḡa! Tauna am vigulau eḡa ina vaia, wate natum orotona tamei ina tupua, tauna am vigulau ina vaia.”

⁵Anina ma Bada tauna i taravaina-opunei au doa ma i riwei i pa, “Ma ḡoutata au mara ma ubona ma inanai, mepa da tam tagotagogina da uta iavi. Lamna am epaepaia ina maḡa me ubona nanare. Eḡa aiai tagotagogina da ina iavi.”

⁶Abram, Bada riwana i vitumaḡanei ma lamna aubaina Bada i riwa da Abram rava jijimanina.

¹²Ma maranai madeḡa i neneulai ma Abram i matave-nuavuru kaua. Ma gimtona ma rovo ḡaeḡaena i nei ma i purui.

¹³Ma Bada i riwei i pa, “Wei ma aramana-kauei! Am epaepaia ina vitaomana au dobu ḡela ma kampa ina vitaunola. Ma dobuna ravai taui ina rau-iviapoapoelei da madeḡa 400 ina kwa.

¹⁴Wate muriai tau nai dobuna ravai ana kovoḡi ma am epaepaia ina vipurapura kaua ma ina nememei.

¹⁵Ma mai Amori ai ḡoʼapoapoe ina rata guratana, ma nai maranaina ana kovoḡi ma ana viaḡaḡana-opunei wei au dobuna. Ma lamna aubaina am epaepaia eḡa ina nei laḡilaḡinai da kimta au vi-four-na. Wate tam, Abram ma magura kaua ma ana nuaubam ma iraḡe ma ina doboim.”