Text copied!
CopyCompare
Wedau Mark - Genesis

Genesis 13

Help us?
Click on verse(s) to share them!
5Maranai Lot, Abram maiteni i vaḡavaḡai, Lot maiteni ana ḡamoḡamo maḡamaḡaui ma ana numa ravai ma ana tauvilaraga.
6Ma taui ai ḡamoḡamo i maḡa guratana ma gabu eḡa tagotagogina da anatapui ita ḡamoi,
7aMa lamna aubaina eḡa tagotagogina da taui ita mae-gogona.
8Anina ma Abram Lot i riwei i pa, “Ma rautaniḡana, tauta tara tagogi ma eḡa tana viparipariniḡai ma ata taunola avena ita viḡaiḡaiawa vivira.
9Weka tana vilamoneta ma ata naei tana nae. Doa au naota e inainanai. Metauna e ḡoeḡoei ma nae ma kampa ma mae. Mepa da tam ma nae au oiena, tau ana nae au kelakela. Mepa da tam ma nae au kelakela, tau ana nae au oiena.”
10Anina ma Lot matana i tawanei da waira Jordan wapuna ma Zoar melagaina au paratana. Ma i ʼnanai da waira i maḡa ma doa maumaurana me Bada ana peipei, me doa maumaurana au Egypt. (Nai marana Bada eḡa Sodom ma Gomorah ita vipupui.)
11Ma Lot waira Jordan wapuna i vinei tauna aubaina ma i nae au maramatanei. Taui nanare i vilamonei.
12Abram au Canaan i mae ma Lot Sodom au ririvana i mae.
13Ma mai Sodom ai lawana i apoapoe kaua ma ḡoʼapoapoe i kaukauei Bada au matana.
14Ma Lot Abram i netawanei ma muriai Bada Abram i riwei i pa, “Mepa u mamae lana, matam ma tawanei au lavaratei ma au rauanaḡei ma madeḡa e gogogolana ma mepa madeḡa e neneulai.
15Dobu anatapuna e inainanai tam ma am epaepaia ana vere-nonoemi.
16Ma am epaepaia ana kauei me doa pokauna ma aiai da pokau e iaiavi lamna am epaepaia tagotagogina ina iavi.
17Dobuna anatapuna taumi a vereveremi, ma nae ma dobuna ana manawa ma ana dabora ma babarani.”
18Ma nanare Abram ana numagara i naiei Mamre ana ai ḡaeḡaena au ḡereḡerena au Hebron i mae ma kampa pulo aniapuna i voai ma pulo i apui Bada awarina.