مَرَكِ 8:21-38

²¹عَ قَ عٍ مَشْرِن، «هَن يَ وٌ مُ قَهَامُي سْتْ؟»

²²عٍ تٌ سٌ بٍتٍسَيِدَ، مِشِيٍ نَشَ قَ دْنشُي ندٍ رَ عِسَ شْن، عٍ عَ مَيَندِ عَ شَ عَ بّلّشّ سَ عَ مَ.

²³عِسَ نَشَ دْنشُي بّلّشّ سُشُ، عَ مِنِ عَ رَ تَا قَرِ مَ. عَ نَشَ عَ دّيٍ سَ عَ يَ مَ، عَ عَ بّلّشّ سَ عَ مَ، عَ قَ عَ مَشْرِن، «عِ سٍ ندٍ تٌمَ؟»

²⁴دْنشُي نَشَ عَ يَ رَبِ، عَ قَ عَ قَلَ، «ﭑ بَرَ مِشِيٍ تٌ حّرّ رَ، كْنْ عٍ لُشِ عَلْ وُرِ بِلِيٍ.»

²⁵عِسَ مَن نَشَ عَ بّلّشّ سَ عَ يَ مَ. دْنشُي تٌ عَ يَ رَبِ سْنْن، عَ نُ بَرَ يَلَن، عَ سٍ بِرِن عِفبّمَ عَ قَنيِ رَ.

²⁶نَ تّمُي، عِسَ نَشَ عَ قَلَ عَ بّ، «فبِلٍن عِ شْنيِ كٍرٍن نَ، هَلِ عِ مُ سٌ تَا كُي.»

²⁷عِسَ نُن عَ قْشِرَبِرّيٍ مَن نَشَ مِنِ سِفَقٍ رَ تَا نَشٍيٍ نَ سٍسَرٍيَ قِلِثِ رَبِلِنيِ. كِرَ شْن، عِسَ نَشَ عَ قْشِرَبِرّيٍ مَشْرِن، «مِشِيٍ مُنسٍ قَلَمَ ﭑ مَ قٍ رَ؟ ندٍ لَنشِ ﭑ مَ؟»

²⁸عٍ نَشَ عَ يَابِ، «ندٍيٍ عَ قَلَمَ، عَننَبِ يَيَ شُنشَ. ندٍيٍ عَ قَلَمَ، عَننَبِ عٍلِيَ، شَ نَ مُ عَ رَ نَمِحْنمّ فبّتّ.»

²⁹عِسَ مَن نَشَ عٍ مَشْرِن، «كْنْ وٌ تَن نَشّ دِ؟ ندٍ ﭑ نَ؟» ثِيّرِ نَشَ عَ يَابِ، «عَلَ شَ مِشِ سُفَندِشِ نَن نَ عِ رَ.»

³⁰عِسَ نَشَ عَ مَتِنتِن عٍ رَ، عَ عٍ نَشَ عَ شَ قٍ قَلَ مِشِ يٌ بّ.

³¹عِسَ نَشَ عَ مَسٍن قْلْ عٍ بّ، عَ قٌ عَدَ مَ شَ دِ شَ تْورّ فبٍفبٍ سْتْ. يُوِقِيٍ شَ قٌرِيٍ، سّرّشّدُبّ كُنتِفِيٍ، نُن سّرِيّ كَرَ مْشْيٍ مُ لَمَ عَ رَ، عٍ عَ قَشَ، كْنْ شِ سَشَن دَنفِ شَنبِ، عَ مَن كٍلِمَ نّ قَشّ مَ.

³²عَ نَشَ يِ وْيّنيِ بِرِن مَسٍن عٍ بّ عَ قِيشّ رَ. ثِيّرِ تٌ عَ بّندُن، عٍ سَ تِ عٍ شَتِ مَ، عَ نَشَ سٌ وْيّنقٍ عِسَ مَ، عَ شَ بَ نَ مْولِ قَلَقٍ.

³³كْنْ عِسَ نَشَ عَ يَ رَقِندِ عَ قْشِرَبِرّيٍ مَ، عَ قَ عَ قَلَ ثِيّرِ بّ، «كٍلِ ﭑ يَ عِ، عِ تَن سٍنتَنّ! عِ شَشِلِ مُ تِشِ عَلَ قٍيٍ شَ رَ، عَ تِشِ عَدَ مَ قٍيٍ نَن نَ.»

³⁴نَ شَنبِ، عِسَ نَشَ حَمَ شِلِ عَ نُن عَ قْشِرَبِرّيٍ، عَ عَ مَسٍن عٍ بّ، «شَ مِشِ وَ بِرَقٍ ﭑ قْشْ رَ، عَ شَ تٌندِ عَ يّتّ مَ، عَ تِن تْورّ نُن قَشّ رَ، عَ بِرَ ﭑ قْشْ رَ.

³⁵مِشِ نَشَن وَ مَ عَ يّتّ رَكِسِقٍ، نَ كَنيِ لْيمَ نّ. نَشَن عَ يّتّ رَلْيمَ ﭑ تَن مَ قٍ رَ عَ نُن ﭑ مَ شِبَارُ قَنيِ شَ قٍ رَ، نَ كَنيِ كِسِمَ نّ.

³⁶دُنِحَ بِرِن سْتْي مُنسٍ قَنمَ مِشِ مَ، شَ عَ سِفَمَ يَهَننَمَ؟

³⁷قٍ مُندُن نَ، مِشِ نْمَ عَ شَ عَرِيَننَ مَسَرَدٍ نَشَن نَ؟

³⁸نَشَن يٌ يَافِمَ ﭑ تَن نُن ﭑ مَ وْيّنيِ شَ قٍ رَ يِ وَشَتِ مِشِ كٌبِيٍ نُن يُنُبِتْييٍ تَفِ، ﭑ تَن عَدَ مَ شَ دِ قَمَ ﭑ بَبَ شَ نْرّ كُي تّمُي نَشّ ﭑ نُن مَلٍكّ سّنِيّنشِيٍ، ﭑ قَن يَافِمَ نّ نَ كَنيِ شَ قٍ رَ.»