ПСАЛТЫР 80:1-7

¹Кіроўцу хору. На Гэцкім інструмэньце. Псальма Асафава.

²Сьпявайце радасна Богу, цьвярдыні нашай; усклікайце Богу Якава!

³Вазьмеце псальму, зайграйце на бубне, на арфе з гукам прыемным, на псалтыры;

⁴трубеце ў трубу парою маладзіка, у пэўны час, у дзень сьвята нашага;

⁵бо гэта закон Ізраілю, пастанова ад Бога Якаўлевага.

⁶Ён пастанавіў гэта ў сьведчаньне Язэпу, калі той выйшаў зь зямлі Егіпецкай, дзе пачуў гукі мовы, якое ня ведаў:

⁷«Я зьняў з плячэй ягоны цяжар, і рукі ягоныя вызваліліся ад кашоў».