ПСАЛТЫР 68:11-15

¹¹і постам выплакаў я душу маю, і гэта робяць зьнявагаю мне.

¹²І замест вопраткі я на сябе нацягнуў валасяніцу - і раблюся ім прытчаю;

¹³і пра мяне балабоняць, седзячы каля брамы, і сьпяваюць у песьнях тыя, што п'юць віно.

¹⁴А я з малітвай маёю да Цябе, Госпадзе; у час добрай зычлівасьці, Божа, па вялікай даброці Тваёй, пачуй мяне ў праўдзе ратунку Твайго;

¹⁵дастань мяне з багавіньня, каб не загразнуў я: хай я вызвалюся ад ненавісьнікаў маіх і ад глыбокіх водаў;