Yosuwe 19:6-22

⁶Bɛt-Lebayot kɔ Saruhɛn, sədare wəco kɔ maas (13) kɔ sədare səfɛt sa si.

⁷Ayin, Rimon, Hɛtɛr kɔ Asan, sədare maŋkəlɛ kɔ sədare səfɛt sa si,

⁸kəlɛkɛnɛ ka sədare səfɛt səfɛt səkɔ sənɔŋkər sədare sasɔkɔ mɔ fəp, haŋ nde Balat-Ber nde pəyɔnɛ Ramat-Nɛkɛf mɔ. Kɛ ka aka kusuŋka ka Simɔŋ kənayi kaŋkɔ dəcor dəcor.

⁹Atɔf ŋa kɛ ka kusuŋka ka Simɔŋ, kɛ ka kusuŋka ka Yuda ŋ’ anabelər ki, bawo kɛ kəŋan kənabɛkər ŋa pəpɔŋ, kɛ kəŋan disrɛ anasɔtɔnɛ kusuŋka ka Simɔŋ kɛ kəŋan.

¹⁰Topoc ta maas pɛnayɔnɛ kɛ ka kusuŋka ka Sabulon dəcor dəcor. Kələŋcər kəŋan kənakɔ haŋ Saridi.

¹¹Kəpɛrnɛ kəca nkɛ dec dɛŋkalɛ mɔ, kɔ kəca ka Marala, kəkɔ kəgbuŋɛnɛ Dabasɛt, kəyɛfɛ dənda kəkɔ nde kəŋgbɔkɔ ka Yokonam tekiriŋ mɔ.

¹²Ntɛ kəyɛfɛ Saridi mɔ, kɔ kələŋcər kəŋkafəlɛ kəca nkɛ dec dɛmpɛ mɔ ntende kələŋcər ka Kislɔt-Tabor, kəkɔ kənarnɛ Daberat, kɔ kəpɛrnɛ Yafiya.

¹³Kɔ kəyɛfɛ dəndo kɔ kəŋcepər ntende dec dɛmpɛ Kat-Hefer, kɔ Et-Katsin, kəkɔ kənarnɛ Rimon, kɔ kəkafələr haŋ Neha.

¹⁴Kɔ kələŋcər kaŋkɔ kəŋkɔ kəkafələr ntende kəca kəmeriya ka nde dec dɛmpɛ Hanaton mɔ, kəkɔ kəfutər nde mɔrɔ dacɔ nde aranta ŋa Yifta-El.

¹⁵Kɛ kəŋan kəlɛkɛnɛ Katat, Nahalal, Simrɔŋ, Yidala, kɔ Betlɛhɛm. Ŋanasɔtɔ sədare wəco kɔ mɛrəŋ (12), kɔ sədare səfɛt sa si.

¹⁶Antɔf ŋa kɛ ŋa aka Sabulon kənayi kaŋkɔ dəcor dəcor, sədare səpɔŋ sasɔkɔ kɔ sədare səfɛt sa si.

¹⁷Topoc ta maŋkəlɛ pɛnayɔnɛ pa Yisakar, kɛ ka kusuŋka ka Yisakar dəcor dəcor.

¹⁸Kələŋcər kəŋan kənakɔ haŋ Yisrel, Kesulɔt, Sunem,

¹⁹Hafarayim, Siyɔŋ, Anaharat,

²⁰Rabit, Kisiyon, Abɛc,

²¹Rɛmɛt, En-Kanim, En-Hada kɔ Bɛt-Pacɛc.

²²Kələŋcər kəŋan kəŋkɔ kəgbuŋɛnɛ Tabor, Sahacima, Bɛt-Sɛmɛs, kəkɔ kəfutər Yurdɛn, sədare wəco kɔ camət-tin (16) kɔ sədare səfɛt sa si.