Zozuwe 19:6-22

⁶Ɓɛte-Leɓayɔte, ta Saluɠɛn. Taa wolai liegɔi ɠɛni ga puugɔ maazu saʋagɔ (13), ta ma laa goiti.

⁷Ayɛn, Limon, Etɛɛl, ta Asan. Taa wolai liegɔi ɠɛni ga naanigɔ, ta ma laa goiti,

⁸ta taa goiti kpein ti naama laa wolaiti maaɠoolii zu, eyɛsu é zeeli Ɓaalate-Ɓeel, nii é ga Lamate, lɛkpɛmaʋɛ nu yeezazuʋɛ yooi zu. Simiyɔn mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la.

⁹Simiyɔn mavofodai ná-zooi zeɠeni Zuda nuiti tɔnɔi ʋa, mazɔlɔɔ Zuda mavofodaiti ta-yooi ti sɔlɔɔni, gola ɓaaɠoni ti ma. Naa ɠa é kɛɛni, Zuda ná-zooi Simiyɔn mavofodaiti maalatini.

¹⁰Zooi zaʋasiɛi kpakui looni ma, naa ɠɛni ga Zaɓulɔn mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. Ta-yooi ma ɠwɛpelemaʋɛ zeelini Salide.

¹¹É lɛɛni folo liizu ʋelei, Maleyala ʋele, é zei Daɓeesɛte ʋa, naa ʋolu kɔtuɗɛi nii é yeizu Yɔkeneyame ɠakalaʋɛ.

¹²É zo Salide, é latini folo ɠulazu ʋelei, Kiselɔte-Taɓɔɔl ɠwɛpelemaʋɛ, é ʋilɛ Daɓelate ʋa, é lɛ Yafia.

¹³É zeɠeni miná, é leʋe folo ɠulazu ʋelei ga Gita-Ɠeefɛɛl ʋele ta Ita-Kasin, é lo Limon ʋa, é lati, é zeeli Neya.

¹⁴Lɛkpɛmaʋɛ nu ɠɔʋɛzuʋɛ, kwɛpelemaʋɛ latini, é li Ɠanaton, é lo Yifeta-Ɛle ʋɛtugi ʋa.

¹⁵É ɓɔ Katate ʋa, ta Naɠalale, ta Simelon, ta Yideyala, ta Ɓɛteleyɛme. Taa wolai liegɔi ɠɛni ga puugɔ maazu felegɔ (12), ta ma laa goiti.

¹⁶Zaɓulɔn mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti.

¹⁷Zooi naanisiɛi kpakui looni ma, naa ɠɛni ga Isakaal mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la.

¹⁸Ta-yooi zu laaiti ti ɠɛni ga niiti: Yizeleyɛle, Kezulɔte, Sunɛme,

¹⁹Ɠafalayime, Siyon, Anaɠalate,

²⁰Laɓite, Kisiyon, Aɓɛse,

²¹Leemɛte, En-Ganime, En-Ɠada, ta Ɓɛte-Pasɛse.

²²Ta-ɠwɛpelemaʋɛ loni Taɓɔɔl ʋa, Saɠasima, ta Ɓɛte-Seemɛse, é lo Zuludɛn ʋa. Taa wolai liegɔi ɠɛni ga puugɔ maazu lɔzita (16), ta ma laa goiti.