San Lucas 24:3-19

³Ya anae manjalom ti masoda y tataotao y Señot Jesus.

⁴Ya anae manmajngang nu este, dos taotao tumotojgue gui oriyanñija, na minagagago ni y lamlam na magago.

⁵Ya anae ninafanmaañao ya manecon papa gui eda, ilegñija nu sija: Jafa muna inaliligao y lâlâ gui entalo y manmatae?

⁶Taegüe güine, lao esta cajulo: jaso y mansinangane jamyo, anae estataba Galilea,

⁷Ylegña: Na nesesita na y Lajin taotao umaentrega gui canae y taotao sija ni manisao, y umaatane gui quiluus, ya ucajulo talo gui mina tres na jaane.

⁸Ayonae jajaso sija y sinanganña,

⁹Ya manalo guato gui naftan ya jasangane y onse nu este sija, yan todo y pumalo.

¹⁰Ya sija si Maria Magdalena yan si Juana, yan si Maria nanan Santiago; yan y pumalo palaoan ni mangachongñija, sumangane y apostoles nu estesija.

¹¹Lao sija japolo na taetiningo, y sinanganñija ya ti majonggue.

¹²Ayonae cajulo si Pedro, ya malago asta y naftan: ya anae ñumejon ya jaatan jalom, jalilie y sabanasja gui un lugat, ya mapos güe iyasija ya ninamanman nu este y manmalofan.

¹³Ya, estagüe, dos guiya sija na jumajanao, güijeja na jaane, para un songsong ni naanña Emmaus, sesenta estadios desde Jerusalem.

¹⁴Ya cumuecuentos y dos mona pot todo estesija y masusede.

¹⁵Ya susede anae cumuecuentos y dos, ya manafaesen entre sija, mato si Jesus ya mañisija manjanao.

¹⁶Lao y atadogñija calang manmatampe, para chañija tumutungo güe.

¹⁷Ya ilegña nu sija: Jafa na cuentosmimiyo uno yan otro, anae manajanao jamyo, ya mañaga ya ninafantriste?

¹⁸Inepe ni ayo y uno ni y naanña si Cleofas ya ilegña nu güiya: Ada sumagaja jao guiya Jerusalem, ya ti untungo jafa manmalofan güine sija na jaane?

¹⁹Ayonae ilegña nu sija: Jafa sija? Ya ilegñija nu güiya: Ayo sija iyon si Jesus Nasareno, ni profeta güe ni gaeninasiña gui checho yan y sinangan gui menan Yuus yan todo y taotao sija;